5 year old boy in flight: విమానంలో ఒంటరిగా వచ్చిన ఐదేళ్ల బాలుడు.. 3 నెలల తర్వాత తల్లి చెంతకు – 5 year old boy flies home alone in delhi-bangalore flight, reunion with mother after 3 months


కరోనా కట్టడి కోసం విధించిన లాక్‌డౌన్‌తో రెండు నెలలుగా నిలిచిపోయిన విమాన సేవలు సోమవారం (మే 25) ఉదయం నుంచి ప్రారంభమయ్యాయి. ఈ నేపథ్యంలో ఐదేళ్ల ఓ బాలుడు దేశం దృష్టిని ఆకర్షించాడు. దేశ రాజధాని ఢిల్లీ నుంచి బెంగళూరు బయల్దేరిన తొలి విమానంలో ఒంటరిగా ప్రయాణించి ప్రత్యేక ఆకర్షణగా నిలిచాడు. లాక్‌డౌన్‌తో ఢిల్లీలో చిక్కుకుపోయిన అతడు 3 నెలల తర్వాత తన తల్లిని కలుసుకొని మురిసిపోయాడు.

బెంగళూరుకు చెందిన విహాన్‌ శర్మ (5 ఏళ్లు) మూడు నెలల కిందట బంధువుల వెంట ఢిల్లీలోని వారి ఇంటికి వెళ్లాడు. ఆ తర్వాత కరోనా వ్యాప్తి నియంత్రణ కోసం దేశవ్యాప్తంగా లాక్‌డౌన్‌ విధించడంతో ఆ బాలుడు అక్కడే ఉండిపోయాడు. అయితే.. సోమవారం నుంచి విమాన రాకపోకలు ప్రారంభం కావడంతో.. ఢిల్లీలో ఫ్లైట్‌ ఎక్కి బెంగళూరు చేరుకున్నాడు. ముఖానికి మాస్క్‌, చేతులకు గ్లౌస్‌లు ధరించి ఎయిర్‌పోర్టు లాంజ్‌లో నుంచి ఒంటరిగా నడిచొచ్చిన విహాన్‌పై మీడియా దృష్టి పడింది.

విహాన్‌ కోసం అతడి తల్లి సోమవారం ఉదయమే బెంగళూరులోని కెంపెగౌడ ఎయిర్‌పోర్ట్‌కు చేరుకున్నారు. కుమారుడు రావడంతో అతడిని దగ్గరికి తీసుకుని మురిసిపోయారు. అనంతరం ఆమె మీడియాతో మాట్లాడుతూ.. తొలి విమానంలోనే విహాన్‌ను రప్పించేందుకు ఏర్పాటు‌ చేశామని తెలిపారు. ఢిల్లీలోని తమ బంధువులు విహాన్‌ ఫ్లైట్‌ ఎక్కించారని.. స్పెషల్‌ కేటగిరీ కింద విహాన్‌ విమానంలో ప్రయాణించాడని చెప్పారు. విమాన ప్రయాణంలో విహాన్.. కరోనా నిబంధనలు పాటించి అందరికీ ఆదర్శంగా నిలిచాడు.



Source link

Leave a Reply

Your email address will not be published. Required fields are marked *