7 days state mourning: అపర చాణక్యుడి అస్తమయం: 7 రోజులు సంతాపం.. సైనిక లాంఛనాలతో వీడ్కోలు – pranab mukherjee demise: 7-day state mourning will be observed throughout india till september 6


పర చాణక్యుడు ప్రణబ్ ముఖర్జీ అస్తమయం చెందడంతో దేశం దిగ్భ్రాంతికి గురవుతోంది. పార్టీలకు అతీతంగా పలువురు నేతలు ప్రణబ్ దేశానికి చేసిన సేవలను కీర్తిస్తున్నారు. ఆయనతో తమ అనుబంధాన్ని గుర్తుచేసుకుంటున్నారు. దేశానికి ఆయన అందించిన సేవలను స్మరించుకొనేందుకు కేంద్ర ప్రభుత్వం కీలక నిర్ణయం తీసుకుంది. దేశవ్యాప్తంగా వారం రోజుల పాటు సంతాపం పాటించాలని నిర్ణయించింది. ఆగస్టు 31 నుంచి సెప్టెంబర్ 6 వరకు సంతాప దినాలుగా పాటించాలని కేంద్రం సూచించింది.

రాష్ట్రపతి భవనం, పార్లమెంట్‌ భవనం సహా అన్ని ప్రధాన కార్యాలయాలపై జాతీయ జెండాను అవనతం చేశారు. ప్రణబ్‌ ముఖర్జీ అంతిమ సంస్కారాలను మంగళవారం (సెప్టెంబర్ 1) ఉదయం అధికారిక లాంఛనాలతో నిర్వహించనున్నారు. ఇందుకోసం రక్షణ శాఖ ఏర్పాట్లు చేస్తోంది. ప్రణబ్ దాకు సైనిక గౌరవ వందనంతో వీడ్కోలు పలికేందుకు సన్నాహాలు జరుగుతున్నాయి.

భారమైన హృదయంతో నేను మీకు ఈ వార్త తెలియజేస్తున్నా.. మా నాన్నగారు ప్రణబ్ ముఖర్జీ కొద్ది క్షణాల కిందట తుది శ్వాస విడిచారు. ఆయన ప్రాణాలు నిలపడానికి ఆర్.ఆర్. హాస్పిటల్ వైద్యులు చేసిన ప్రయత్నాలు, అభిమానుల ప్రార్థనలు ఫలించలేదు. ఆయన కోసం ప్రార్థించిన వారందరికీ ధన్యవాదాలు..

అభిజిత్ ముఖర్జీ

ప్రణబ్ ముఖర్జీ సేవలకు స్మారకంగా ఈ ఏడు రోజుల పాటు అన్ని ప్రభుత్వ భవనాలు, కార్యాలయాల్లో జాతీయ జెండాను అవనతం చేసి ఉంచుతారు. దేశానికి ఆయన చేసిన సేవలను గుర్తు చేసుకుంటారు. ఇతర కార్యక్రమాలన్నీ యథావిధిగా కొనసాగుతాయి.

Also Read:షాకింగ్ వీడియో: పతంగితో పాటు ఎగిరిపోయిన పాప..

Don’t Miss:నేరం ఒప్పుకున్నా.. జైలుకు పంపలేదు, అంత లావుగా ఉన్నాడు!



Source link

Leave a Reply

Your email address will not be published. Required fields are marked *