aadhaar mobile number update: ఆధార్ కార్డ్‌లో మొబైల్ నెంబర్ మార్చుకోవడం ఎలా? ఇలా చేయండి! – here is how to change mobile number in aadhaar card


ప్రధానాంశాలు:

  • ఆధార్ కార్డులో మొబైల్ నెంబర్ మార్చుకోవాలా?
  • దీని కోసం ఆధార్ సెంటర్‌కు వెళ్లాలి
  • ఆన్‌లైన్‌లోనే అపాయింట్‌మెంట్ బుక్ చేసుకోవచ్చు

చాలా కీలకమైన డాక్యుమెంట్లలో 12 అంకెల ఆధార్ కార్డు కూడా ఒకటి. కేంద్ర రాష్ట్ర ప్రభుత్వాలు అందించే సంక్షేమ పథకాల ప్రయోజనాలు పొందాలంటే కచ్చితంగా ఆధార్ నెంబర్ ఉండాల్సిందే. ఆధార్ కార్డులో వివరాలు తప్పుగా ఉండొచ్చు. అయితే వీటిని అప్‌డేట్ చేసుకోవచ్చు. పేరు, పుట్టిన తేదీ, మొబైల్ నెంబర్ వంటి వివరాల్లో తప్పులు ఉంటే వాటిని సరిచేసుకోవచ్చ.

కొంత మంది ఆధార్ కార్డులకు మొబైల్ నెంబర్ లింక్ అయ్యి ఉండదు. ఇలాంటి వారు పలు సందర్బాల్లో పలు ఇబ్బందులు ఎదుర్కోవలసి రావొచ్చు. అందువల్ల ఆధార్ కార్డుతో మొబైల్ నెంబర్ కచ్చితంగా అనుసంధానమై ఉండాలి. ఒక్కోసారి మొబైల్ నెంబర్ పొగొట్టుకోవచ్చు కూడా. ఇలాంటప్పుడు ఆధార్ కార్డులో మొబైల్ నెంబర్ అప్‌డేట్ చేసుకోవాలి.

Also Read: Loan తీసుకునే వారికి బంపరాఫర్.. నేటి నుంచి ఈ 3 బ్యాంకుల్లో తక్కువ వడ్డీకే రుణాలు!

ఆధార్ ఎన్‌రోల్‌మెంట్ సెంటర్‌కు వెళ్లి అక్కడ మొబైల్ నెంబర్‌ను అప్‌డేట్ చేసుకోవాలి. ఆన్‌లైన్‌లో మొబైల్ నెంబర్ మార్చుకోవడం కుదరదు. గతంలో ఆన్‌లైన్‌లోనే మొబైల్ నెంబర్ మార్చుకునే వెసులుబాటు ఉండేది. కానీ యూఐడీఏఐ ఈ ఫెసిలిటీని తొలగించింది. కేవలం ఆధార్ సెంటర్‌కు వెళ్లి మాత్రమే మొబైల్ నెంబర్ అప్‌డేట్ చేసుకోవలసి ఉంటుంది.

Also Read: ఒకటో తేదీ ఝలక్.. పెరిగిన గ్యాస్ సిలిండర్ ధర.. ఈరోజు నుంచే కొత్త రేట్లు అమలులోకి!

మీరు ఆధార్ సెంటర్‌కు అక్కడ క్యూలైన్లలో నిలుచోడానికి ఇష్టపడకపోతే.. ఇంటి వద్ద నుంచి టైమింగ్ బుక్ చేసుకోవచ్చు. మీరు బుక్ చేసుకున్న టైమ్‌కు అక్కడకు వెలితే మీ పని వెంటనే పూర్తవుతుంది. దీంతో సులభంగానే పని పూర్తి చేసుకొని ఇంటికి రావొచ్చు. దీని కోసం ఆధార్ వెబ్‌సైట్‌కు వెళ్లాలి.

అక్కడ బుక్ అపాయింట్‌మెంట్ అనే ఆప్షన్ కనిపిస్తుంది. దీనిపై క్లిక్ చేయాలి. పేరు, ఆధార్ నెంబర్, రెసిడెంట్ టైప్ వంటి సమాచారం ఎంటర్ చేయాల్సి ఉంటుంది. తర్వాత వాట్ డూ యూ వాంట్ టు అప్‌డేట్ సెక్షన్‌లో మొబైల్ నెంబర్ అని ఎంచుకోవాలి. మీ మొబైల్ నెంబర్, క్యాప్చా ఎంటర్ చేసి సెండ్ ఓటీపీపై క్లిక్ చేయాలి. మీ నెంబర్‌కు వచ్చిన ఓటీపీ ఎంటర్ చేసి సేవ్ అండ్ ప్రొసీడ్ కొట్టాలి. ఇప్పుడు మీకు అపాయింట్‌మెంట్ ఐడీ వస్తుంది. బుక్ అపాయింట్‌మెంట్‌పై క్లిక్ చేయాలి. ఇకపోతే మొబైల్ నెంబర్ అప్‌డేట్‌కు రూ.50 ఖర్చవుతుంది.



Source link

Leave a Reply

Your email address will not be published. Required fields are marked *