aakash chopra odi team: ఆకాశ్ చోప్రా వన్డే జట్టులో కోహ్లీ, రోహిత్.. కానీ విదేశీ కెప్టెన్ – former indian opener aakash chopra picks his current best odi xi


భారత మాజీ ఓపెనర్ ఆకాశ్ చోప్రా తన అత్యుత్తమ వన్డే జట్టుని తాజాగా ప్రకటించాడు. వన్డేల్లో ఇటీవల కాలంలో బెస్ట్‌గా రాణించిన ఆటగాళ్లతో ఈ టీమ్‌ని ఎంపిక చేసిన చోప్రా.. నలుగురు భారత క్రికెటర్లకి ఇందులో చోటిచ్చాడు. కానీ.. ఫాస్ట్ బౌలర్ జస్‌ప్రీత్ బుమ్రా‌కి ఈ టీమ్‌లో ఛాన్స్‌ దక్కలేదు. ఇక.. విరాట్ కోహ్లీ, రోహిత్ శర్మలకి అవకాశం లభించినా.. కెప్టెన్‌గా మాత్రం ఇంగ్లాండ్ కెప్టెన్ ఇయాన్ మోర్గాన్‌ని చోప్రా ఎంపిక చేశాడు.

ఆకాశ్ చోప్రా వన్డే జట్టు: రోహిత్ శర్మ, షై హోప్ (వికెట్ కీపర్), విరాట్ కోహ్లీ, రాస్ టేలర్, ఇయాన్ మోర్గాన్ (కెప్టెన్), షకీబ్ అల్ హసన్, బెన్‌స్టోక్స్, మిచెల్ స్టార్క్, కుల్దీప్ యాదవ్, మహ్మద్ షమీ, లూకీ ఫర్గూసన్, బాబర్ అజామ్ (12వ ఆటగాడు)

ఆకాశ్ చోప్రా టీమ్ బ్యాటింగ్ ఆర్డర్ మంచి సమతూకంగానే కనిపించినా.. బౌలింగ్‌లో మాత్రం కాస్త బలహీనంగా కనిపిస్తోందని విశ్లేషకులు అభిప్రాయపడుతున్నారు. ఫాస్ట్ బౌలర్లు జస్‌ప్రీత్ బుమ్రా, పాట్ కమిన్స్, జోప్రా ఆర్చర్ తదితరుల్ని పరిగణలోకి తీసుకోకపోవడంపై కొంత మంది పెదవి విరుస్తున్నారు. ఇక ఓపెనర్‌గా షై హోప్ స్థానంలో ఆస్ట్రేలియా ఓపెనర్ డేవిడ్ వార్నర్‌ని ఎంచుకుని ఉంటే బాగుండేదని అభిప్రాయాలు వినిపిస్తుండగా.. మిడిలార్డర్‌లో కేన్ విలియమ్సన్‌కి చోటిచ్చి ఉండాలని కొందరు సూచిస్తున్నారు. ఆఖరిగా పాకిస్థాన్ వన్డే/ టీ20 కెప్టెన్ బాబర్ అజామ్‌ పేరుని 12వ ఆటగాడిగా చేర్చడంపైనా విమర్శలు వస్తున్నాయి.



Source link

Leave a Reply

Your email address will not be published. Required fields are marked *