AB Devilliers Re Entry: డివిలియర్స్ రీఎంట్రీ మ‌రింత ఆల‌స్యం.. కార‌ణ‌మిదే! – south africa former star player ab de villiers hints he might delay his national team return


సౌతాఫ్రికా మాజీ స్టార్ బ్యాట్స్‌మ‌న్ ఏబీ డివిలియర్స్‌.. అంత‌ర్జాతీయ పున‌రాగ‌మ‌నం మ‌రింత ఆల‌స్య‌మయ్యే అవ‌కాశాలు క‌న్పిస్తున్నాయి. రాబోయే ఏడాదికి సంబంధించి తానేమీ క్రికెట్ ప్ర‌ణాళిక‌ల్ని రూపొందించుకోలేద‌ని తాజాగా డివిలియ‌ర్స్ తెలిపాడు. దీంతో అతని రీఎంట్రీపై ఆశ‌గా ఎదురుచూస్తున్న అభిమానుల‌కు నిరాశ ఎదురైంది. దీనికంత‌టికీ కార‌ణం క‌రోనా వైర‌స్ అని ఏబీ స్ప‌ష్టం చేశాడు. రాబోయే ఏడాదికి సంబంధించి క్రికెట్ షెడ్యూల్ క‌రోనా కార‌ణంగా అస్త‌వ్యస్తంగా మారిపోయింద‌ని తెలిపాడు.


‘రాబోయే ఏడాదికి సంబంధించి షెడ్యూల్‌పై అస్ప‌ష్ట‌త ఉంది. ఇదే చాలా ఆందోళ‌న క‌లిగిస్తోంది. వైర‌స్ ఉధృతి ఇంకా కొన‌సాగుతూనే ఉంది. ఈ క్ర‌మంలోనే ప్ర‌స్తుతానికి ప్ర‌పంచ‌వ్యాప్తంగా ఏ క్రికెట్ యాక్టివిటీకి క‌మిట‌వ్వ‌లేదు. క్రికెట్ షెడ్యూల్‌పై ప్ర‌స్తుతానికి వేచి చూసే ధోర‌ణిలో ఉన్నాను’ అని డివిలియ‌ర్స్ పేర్కొన్నాడు.


ఇక సౌతాఫ్రికా క్రికెట్ త‌ర‌పున ఆడిన దిగ్గ‌జ బ్యాట్స్‌మెన్ల‌లో డివిలియ‌ర్స్ ఒక‌రు. చాలాకాలం జ‌ట్టుకు కెప్టెన్‌గా కూడా సేవ‌లందించాడు. అయితే 2018లో క్రికెట్‌కు గుడ్ బై చెప్పిన ఏబీ.. 2019 వ‌న్డే ప్ర‌పంచ‌క‌ప్‌న‌కు ముందు రీఎంట్రీ ఇవ్వాల‌ని భావించినా, వీలు కాలేదు. మెగా టోర్నీలో సౌతాఫ్రికా ఘోర ప్ర‌ద‌ర్శ‌న అనంత‌రం డివిలియ‌ర్స్ రీ ఎంట్రీపై జ‌ట్టు మేనేజ్మెంట్ సానుకూలంగా ఉంది.



Source link

Leave a Reply

Your email address will not be published. Required fields are marked *