Abhijit Banerjee: ఆ నోబెల్ గ్రహీత ట్విటర్‌లో అడుగే పెట్టలేదు.. అయినా రెండు అకౌంట్లు, వేలాది ఫాలోవర్లు! – fake alert: two twitter accounts on the name of nobel prize winner abhijit banerjee are fake


క్లెయిమ్:
నోబెల్ గ్రహీత, ప్రముఖ ఆర్థికవేత్త అభిజిత్ బెనర్జీ మంగళవారం (మే 5) కాంగ్రెస్ నేత, ఎంపీ రాహుల్ గాంధీతో దేశ ఆర్థిక వ్యవహారాలపై చర్చించారు. ఆ తర్వాత కాసేపటికే అభిజిత్ బెనర్జీ పేరుతో ఉన్న రెండు ట్విటర్ అకౌంట్లు వెలుగులోకి వచ్చాయి. ఏది ఒరిజనలో తెలియక కొంత మంది నెటిజన్లు గందరగోళానికి గురయ్యారు. ఈ అంశంపై చర్చ జరుగుతుండగానే ఆ రెండు ట్విటర్ అకౌంట్లు సస్పెండ్‌ కావడం మరో ట్విస్టు.

@AbhijitBanerj అనే పేరుతో ఉన్న ట్విటర్ హ్యాండిల్‌ నుంచి చేసిన తొలి ట్వీట్‌లోనే అభిజిత్ బెనర్జీ తన సతీమణితో ఉన్న ఫోటోను షేర్ చేశారు. ఈ ఫోటోతో పాటు ‘కాస్త ఆలస్యమైంది.. కానీ, చివరికి ఈ రోజు ట్విటర్‌లో అడుగుపెట్టా’ అంటూ కామెంట్ పెట్టారు.

సదరు ట్విటర్ ఖాతా బయోలో పరిశీలిస్తే.. ‘ఎకనమిస్ట్, నోబెల్ గ్రహీత. అధికారిక ట్విటర్ అకౌంట్. ప్రొఫైల్ నేనే మేనేజ్ చేస్తా. ఇ-మెయిల్ banerjee@mit.edu’ అని పేర్కొన్నారు. ఇది చూడగానే అభిజిత్ బెనర్జీ అధికారిక ట్విటర్ ఖాతా అనే ఇంప్రెషన్ కలుగుతోంది.

samayam telugu

అభిజిత్ పేరుతో ట్విటర్ ఖాతా

ట్విటర్ గూటిలో అడుగుపెట్టిన తొలి రోజే ఈ అకౌంట్‌కు 27 వేల మంది ఫాలోవర్స్ వచ్చారు. ఆ అకౌంట్ స్క్రీన్‌షాట్ చూడండి..

samayam telugu

అభిజిత్ పేరుతో మరో ట్విటర్ అకౌంట్

అభిజిత్ పేరుతోనే ఉన్న మరో ట్విటర్ ఖాతాకు కూడా 169 మంది ఫాలోవర్స్ ఉన్నారు. ఇంతకీ ఈ రెండు ట్విటర్ ఖాతాలు ఆయనకు సంబంధించినవేనా?

వాస్తవం:
షాకింగ్ విషయం ఏమిటంటే.. నోబెల్ గ్రహీత అభిజిత్ బెనర్జీ అసలు ట్విటర్‌లోనే చేరలేదు. ఆయన పేరుతో చలామణిలో ఉన్న ఆ రెండు అకౌంట్లు నకిలీవే.

బీబీసీ న్యూస్ ఇండియా కరస్పాండెంట్ సౌతిక్ బిస్వా ఈ అంశంపై స్పష్టతనిస్తూ ఓ ట్వీట్ చేశారు. అభిజిత్ బెనర్జీ స్పందనను జత చేస్తూ పోస్టు చేశారు. ‘ఆర్థికవేత్త అభిజిత్ వినాయక్ బెనర్జీ సందేశం ఇది: మీరు సోషల్ మీడియాలో గనుక ఉన్నట్లయితే.. మీకు చెప్పాల్సిన ముఖ్యమైన విషయం ఏమిటంటే అభిజిత్ బెనర్జీ పేరుతో చలామణిలో ఉన్న ట్విటర్ అకౌంట్లతో నాకు సంబంధం లేదు. నాకు ఇప్పటివరకు ఎలాంటి ట్విటర్ ఖాతా లేదు’ అని సౌతిక్ బిస్వా ట్వీట్ చేశారు. ట్విటర్‌ను, అభిజిత్ బెనర్జీ పేరుతో ఉన్న అకౌంట్‌ను ట్యాగ్ చేశారు. వీటిని పరిశీలించిన ట్విటర్ ఆ వెంటనే రెండు అకౌంట్లను తొలగించింది.

Read This In English

తీర్పు:
టైమ్స్ ఫ్యాక్ట్ చెక్ బృందం పరిశీలనలో తేలింది ఏమిటంటే.. నోబెల్ అవార్డు గ్రహీత అభిజిత్ వినాయక్ బెనర్జీకి ఇప్పటివరకు ఎలాంటి అధికారిక ట్విటర్ అకౌంట్ లేదు. ఆయన పేరుతో ఉన్న ఖాతాలు ఫేక్.

Also Read:దొంగ కోతి! ఏటీఎంపై దాడి.. తీరా సీసీ కెమెరా చూస్తే షాక్!



Source link

Leave a Reply

Your email address will not be published. Required fields are marked *