Actress Chandana Suicide: టీవీ నటి చందన ఆత్మహత్య‌ కేసు.. ప్రియుడు అరెస్ట్, ఆమెను శారీరకంగా వాడుకుని.. – kannada tv actress chandana suicide case; boyfriend arrested


వర్ధమాన కన్నడ టీవీ నటి చందన (29) బలవన్మరణానికి కారణమైన ఆమె ప్రియుడ్ని పోలీసులు అదుపులోకి తీసుకున్నారు. పెళ్లి చేసుకుంటానని నమ్మించి ఐదు సంవత్సరాలు అన్ని విధాలుగా వాడుకొని తీరా పెళ్లికి మొహం చాటేయడంతో నటి చందన జీర్ణించుకోలేక విషం తాగి ఆత్మహత్య చేసుకుంది. కర్ణాటకలోని హసన్ జిల్లా బేలూరుకు చెందిన చందన (29) నటి కావాలనే కోరికతో కొన్నేళ్ల క్రితం బెంగళూరు వచ్చి ప్రయత్నాలు మొదలుపెట్టింది. రెండేళ్లు పాటు ఇండస్ట్రీలో ప్రయత్నించి పలు కన్నడ టీవీ సీరియల్స్, సినిమాలు, పలు ప్రకటనల్లో నటించింది. అయితే ఆమె నివాసానికి దగ్గర్లో ఉండే దినేష్ అనే యువకుడితో పరిచయం ప్రేమగా మారింది. దీంతో ఇద్దరూ కలసి సహజీవనం చేస్తున్నారు.

కొన్నాళ్ల పాటు వీరి లివింగ్ రిలేషన్ షిప్ సాపీగానే సాగగా.. దినేష్ ఆమెతో పెళ్లి నిరాకరించడంతో ఇద్దరి మధ్య గొడవలు మొదలయ్యాయి. అయితే ఈ విషయాన్ని దినేష్ పేరెంట్స్ తేల్చుకునేందుకు వెళ్లిన చందనకు వారి నుంచి కూడా వ్యతిరేకత వ్యక్తమైంది. పెళ్లి చేసేది లేదని తెగేసి చెప్పడంతో పాటు.. చందన పేరెంట్స్‌తో గొడవ పెట్టుకుని ఆమె గురించి నీచంగా మాట్లాడటంతో తట్టుకోలేక మే 28 బెంగుళూరులో బలవన్మరణానికి పాల్పడింది చందన. చనిపోయే ముందు తన ఆత్మహత్యకు దినేష్ వారి పేరెంట్స్ కారణం అని తెలియజేస్తూ.. చందన తన ఫోన్‌లో ఒక సెల్ఫీ వీడియోను రికార్డ్ చేసింది.

అప్పటి నుంచి చందన ఆత్మహత్యకు కారణమైన దినేష్ పరారీలో ఉండగా.. ఎట్టకేలకు పోలీసులు అతన్ని పట్టుకున్నారు. చందన ఆత్మహత్య తరవాత దినేష్ పరారీలో ఉండగా.. చందన సూసైడ్ వీడియోలతో తెలియపరిచిర వివరాల ఆధారంగా దినేష్‌ను పట్టుకుని విచారిస్తున్నారు పోలీసులు.



Source link

Leave a Reply

Your email address will not be published. Required fields are marked *