adb loan: కరోనాపై పోరుకు భారత్‌కు ఏడీబీ భారీ సాయం! – asian development bank approves $1.5 billion loan to india to fight covid-19 pandemic


ప్రధానాంశాలు:

  • రుణం అందించేందుకు ఏడీబీ ఓకే
  • కోవిడ్ 19 ఎదుర్కునేందుకు ఈ లోన్
  • డీల్ ఇప్పటికే పూర్తి

కరోనా వైరస్ శరవేగంగా విస్తరిస్తూనే వస్తోంది. కోవిడ్ 19 వల్ల దేశ ఆర్థిక ఆర్థిక వ్యవస్థపై ప్రతికూల ప్రభావం పడుతోంది. దాదాపు అన్నీ రంగాలు చతికిలపడుతున్నాయి. ఇలాంటి పరిస్థితుల్లో ఏసియన్ డెవలప్‌మెంట్ బ్యాంక్ (ఏడీబీ) భారత్‌కు సాయం చేసేందుకు ముందుకు వచ్చింది. భారీగా రుణం అందించేందుకు ఓకే చెప్పింది.

భారత్‌కు 1.5 బిలియన్ డాలర్ల రుణానికి ఏడీబీ ఆమోదం తెలిపింది. మన కరెన్సీలో చెప్పుకుంటే దాదాపు రూ.11,400 కోట్ల రుణం. కరోనా వైరస్‌ను ఎదుర్కొనేందుకు భారత్ ఈ నిధులను వినియోగించుకోనుంది. పేదలు, ఆర్థికంగా బలహీనంగా ఉన్న వారికి సామాజిక భద్రత కల్పించాలనే లక్ష్యంతో ఏడీబీ తాజాగా ఈ భారీ రుణాన్ని భారత్‌కు అందిస్తోంది.

Also Read: గుడ్ న్యూస్.. దిగొచ్చిన బంగారం ధర.. వెండి పతనం!

కోవిడ్ 19ను ఎదుర్కోనడంలో భారత్‌కు సాయం అందించాలనే లక్ష్యంతో ఈ రుణాన్ని అందిస్తున్నామని ఏడీబీ ప్రెసిడెంట్ మసాట్సుగు అసకావా తెలిపారు. కరోనాపై పోరుకు భారత్ ప్రభుత్వం ప్రకటించిన కార్యక్రమాలకు మద్దతు ఇవ్వాలని పేర్కొన్నారు. అలాగే ప్రజలకు ప్రభుత్వం నుంచి సహాయం అందేలా చూస్తామని తెపిపారు.

కాగా మరోవైపు ఆర్థిక శాఖ ఈ డీల్‌కు సంబంధించిన అగ్రిమెంట్ పూర్తయ్యిందని పేర్కొంది. ఏడీబీ బ్యాంక్.. కోవిడ్ 19 యాక్టివ్ రెస్పాన్స్ అండ్ ఎక్స్‌పెండీచర్ సపోర్ట్ (కేర్స్) ప్రోగ్రామ్ ద్వారా ఈ రుణాన్ని అందిస్తోంది. ఆరోగ్య సదుపాయాలను మెరుగు పరుచుకోవడం కోసం, ఆర్థికంగా బలహీన వర్గానికి చెందిన వారు లేదంటే పేదలకు సామాజిక భద్రత కోసం ఈ నిధులను ఆయా దేశాలు ఉపయోగించుకోవచ్చు.



Source link

Leave a Reply

Your email address will not be published. Required fields are marked *