adilabad hair cutting shop: పీపీఈ కిట్లు ధరించి కటింగ్‌.. సెలూన్ షాపు ఐడియా అదుర్స్ – salon shop in adilabad goes viral after hairdressers wear ppe kits


రోనా వైరస్ కలవరపెడుతోంది. లాక్‌డౌన్ విధించి నియంత్రణ కోసం ప్రయత్నించినా కేసులు మాత్రం పెరుగుతూనే ఉన్నాయి. మొత్తం మీద లాక్‌డౌన్ విధించిన మాత్రన కరోనా వ్యాప్తిని ఆపలేమని ప్రపంచ దేశాలకు ఇప్పుడిప్పుడే అర్థమవుతోంది. ఈ మహమ్మారి బారిన పడకుండా ఉండాలంటే స్వీయ నియంత్రణ పాటించాల్సిందేనని స్పష్టమవుతోంది. దేశంలో లాక్‌డౌన్ సడలించి వివిధ కార్యకలాపాలకు అనుమతి ఇచ్చిన కేంద్ర, రాష్ట్ర ప్రభుత్వాలు ఇదే మాట చెప్తున్నాయి. భౌతిక దూరం, వ్యక్తిగత పరిశుభ్రత తదితర జాగ్రత్తలు పాటించి కరోనా వైరస్ బారినపడకుండా మనల్ని మనం కాపాడుకోవాలి.

లాక్‌డౌన్ 4.0లో సెలూన్లు, దుస్తుల షాపులు, పరిశ్రమలు తెరుచుకోవడానికి అనుమతి ఇచ్చిన కేంద్ర ప్రభుత్వం తప్పనిసరిగా జాగ్రత్తలు పాటించాలని సూచించింది. దీంతో ఆయా కార్యకలాపాలు నిర్వహిస్తున్న వ్యక్తులు పలు జాగ్రత్తలు తీసుకుంటూ కార్యకలాపాలు కొనసాగిస్తున్నారు. ఈ క్రమంలో ఆదిలాబాద్ పట్టణంలోని ఓ సెలూన్ యజమాని మరో అడుగు ముందుకేశాడు.

ఆదిలాబాద్‌ జిల్లా కేంద్రంలోని తెలంగాణ చౌక్‌లో మానస హెయిర్‌ కటింగ్‌ షాప్‌ యజమాని పీపీఈ కిట్లు ధరించి హెయిర్‌ కటింగ్‌ చేశారు. షాపులోని సిబ్బంది అందరూ వైద్య సిబ్బంది ధరించే పీపీఈ కిట్లు ధరించారు. కరోనా వ్యాప్తి నియంత్రణ చర్యల్లో భాగంగా ఇలా పీపీఈ కిట్లు ధరించి కస్టమర్లకు కటింగ్, షేవింగ్ చేస్తున్నట్లు షాపు యజమాని తెలిపారు. ఇందుకు సంబంధించిన ఫోటో సోషల్ మీడియాలో వైరల్ అవుతోంది. దీంతో సెలూన్ షాపునకు మంచి ప్రచారం కూడా కలుగుతోంది.



Source link

Leave a Reply

Your email address will not be published. Required fields are marked *