agra lawyer murder: అల్లుడి హత్యకు అత్త అదిరిపోయే స్కెచ్.. కానీ చివరికి.! – woman hires killers to eliminate son-in-law over property dispute


కూతురి భర్తను చంపించేందుకు అదిరిపోయే స్కెచ్ వేసిందో అత్త. అల్లుడితో కలసి ఉన్న ముగ్గురితో చేతులు కలిపింది. అతన్ని చంపేసి వచ్చి రూ.10 లక్షలు తీసుకుపొమ్మంటూ అంటూ బంపర్ ఆఫర్ ఇచ్చింది. తీరా నిందితులు దొరికిపోవడంతో అత్త కటకటాలపాలైంది. ఈ షాకింగ్ ఘటన యూపీలో జరిగింది. ఆగ్రాకి చెందిన న్యాయవాది కపిల్ పవార్(45) భార్య మమతా పవార్ ఏడాది కిందట చనిపోయింది. అప్పటి నుంచి అత్తతో అతనికి ఆస్తి వివాదం నడుస్తోంది.

అల్లుడిపై ఆగ్రహం చెందిన అత్త షిమ్లా పవార్(66) తన అల్లుడిని ఎలాగైనా అంతమొందించాలని నిర్ణయించుకుంది. రాహుల్, అన్వర్, హర్ష యాదవ్‌తో అల్లుడి హత్యకు డీల్ కుదుర్చుకుంది. ఈ నెల 26న హఠాత్తుగా కపిల్ పవార్ కనిపించకుండా పోయాడు. మిస్సింగ్ కేసు నమోదు చేసి దర్యాప్తు చేపట్టిన పోలీసులకి ఏతవా జిల్లాలో కపిల్ శవం లభ్యమైంది. గుర్తుతెలియని దుండగులు అతన్ని దారుణంగా హత్య చేసి డ్రైనేజీలో పడేసినట్లు గుర్తించారు.

హత్య కేసు నమోదు చేసి దర్యాప్తు చేపట్టిన పోలీసులకి చివరిసారిగా కపిల్ ముగ్గురు వ్యక్తులతో కనిపించినట్లు తేలిది. ఆ ముగ్గురు ఎవరనే దిశగా విచారణ చేపట్టడంతో రాహుల్, అన్వర్, హర్ష యాదవ్‌గా తేలింది. విచారణలో భాగంగా రాహుల్, అన్వర్‌లను అదుపులోకి తీసుకుని తమ స్టైల్లో విచారించడంతో అసలు విషయం బయటపడింది. అల్లుడిని చంపేసి వచ్చి రూ.10 లక్సలు తీసుకుపోండంటూ షిమ్లా పవార్ చెప్పడంతో అతన్ని దారుణంగా హత్య చేసినట్లు అంగీకరించారు.

Also Read: మరదలి ప్రేమలో భర్త.. భరించలేని భార్య పెట్రోల్ పోసి.. దారుణం

కపిల్ కనిపించకుండాపోయిన రోజు నిందితులు ముగ్గురు అతనితో కలిసి ఉన్నారు. కపిల్‌కి మత్తుమందు కలిపిన గుడ్లు ఇచ్చారు. అవి తిన్న తర్వాత కపిల్ మత్తులోకి జారుకోగానే కారు సీటు బెల్టుతో ఉరి బిగించి చంపేశారు. అనంతరం శవాన్ని ఏతవా జిల్లాలోని డ్రైనేజీలో పడేశారు. కపిల్ హత్యలో అతని అత్త ప్రమేయంపై స్పష్టమైన ఆధారాలు లభించడంతో ఆమెతో సహా ఇద్దరు నిందితులను అరెస్టు చేశారు. పరారీలో ఉన్న మరో నిందితుడు హర్ష యాదవ్ కోసం గాలింపు చర్యలు చేపట్టారు.

Read Also: విశాఖలో యాసిడ్ దాడి కలకలం.. అనుమానంతో భర్త ఘాతుకం



Source link

Leave a Reply

Your email address will not be published. Required fields are marked *