Agra man return: షాకింగ్: 7 ఏళ్ల క్రితం చనిపోయిన వ్యక్తి.. శ్రామిక్ రైల్లో తిరిగొచ్చాడు.! – kidnapped and murdered man returns home after 7 years in up


కిడ్నాప్‌, హత్యకు గురైన వ్యక్తి ఏడేళ్ల తర్వాత తిరిగొచ్చిన ఆశ్చర్యకర సంఘటన వెలుగుచూసింది. అది కూడా వలస కూలీల కోసం ఏర్పాటు చేసిన శ్రామిక్ రైల్లో కావడం గమనార్హం. అప్పటి వరకూ చనిపోయాడని అనుకుంటున్న గ్రామస్తులంతా అతన్ని చూసి ఒక్కసారిగా షాక్‌కి గురయ్యారు. ఆ విషయం ఆ నోటా ఈ నోటీ పడి పోలీసులకు చేరడంతో అతని తండ్రిపై కేసు నమోదు చేసేందుకు రెడీ అవుతున్నారు. ఈ ఆశ్యర్యకర ఘటన యూపీలో చోటుచేసుకుంది.

ఆగ్రా జిల్లాలోని చంద్రసోర్‌కి చెందిన అజయ్(26) ఏడేళ్ల కిందట 2013లో కనిపించకుండా పోయాడు. అతన్ని తన ఇంటికి సమీపంలో ఉంటున్న వ్యక్తులే కిడ్నాప్ చేసి.. హత్య చేశారంటూ అజయ్ తండ్రి బన్వరి లాల్ పోలీసులకు ఫిర్యాదు చేశాడు. విచారణ చేపట్టిన పోలీసులకు అజయ్ కిడ్నాప్‌కి గురైనట్లు ఎలాంటి ఆధారాలు లభించకపోవడంతో ఆ కేసు అప్పటి నుంచి పెండింగ్‌లో ఉండిపోయింది. అయితే అతని తండ్రి మాత్రం తన కొడుకును చంపేశారంటూ కోర్టులో అభ్యంతరాలు వ్యక్తం చేశాడు.

సడెన్‌గా ఏడేళ్ల తర్వాత అజయ్ వలస కూలీల కోసం ఏర్పాటు శ్రామిక్ రైల్లో పూణె నుంచి యూపీకి చేరుకున్నాడు. అక్కడి నుంచి ఇంటికి వచ్చాడు. అజయ్ తిరిగొచ్చిన విషయం గ్రామస్తులకు తెలియడంతో చనిపోయాడని తండ్రి కేసు పెడితే కొడుకు ఎక్కడి నుంచి వచ్చాడని విస్తుపోయారు. సమాచారం అందుకున్న పోలీసులు రంగంలోకి దిగారు. చనిపోయిన కొడుకు ఎలా తిరిగొచ్చాడంటూ ఆరా తీయడంతో షాకింగ్ నిజాలు వెలుగులోకి వచ్చాయి.

Also Read: కొత్త కోడలిపై కన్నేసిన మామ.. ఒంటరిగా ఉన్న సమయం చూసి..

ఏడేళ్ల కిందట అజయ్ అదే గ్రామానికి చెందిన విష్ణు శర్మ, లలిత్‌తో కలసి కర్ణాటక వెళ్లిపోయాడు. అక్కడికి వెళ్లిన తర్వాత ఎవరికీ చెప్పకుండా అజయ్ ఎక్కడికో వెళ్లిపోయాడు. అతని ఆచూకీ తెలియకపోవడంతో విష్ణు, లలిత్ తిరిగి స్వగ్రామానికి వచ్చేశారు. తన కొడుకు ఎక్కడని బన్వరి లాల్ ప్రశ్నించడంతో తమకు తెలియదని.. ఎక్కడికో వెళ్లిపోయాడని సమాధానమిచ్చారు. దీంతో ఆగ్రహం చెందిన అజయ్ తండ్రి లలిత్, అతని కుటుంబ సభ్యులపై దాడి చేశాడు. ఆ ఘటనలో బన్వరి లాల్‌పై పోలీసులు హత్యాయత్నం కేసు నమోదు చేసి అరెస్టు చేశారు.

Read Also: ఏడో తరగతిలోనే హద్దులు దాటిన బాలిక.. గర్భం వస్తుందేమోనని..

కొద్దిరోజులకు బెయిల్‌పై బయటికి వచ్చిన బన్వరిలాల్.. తన కొడుకును కిడ్నాప్ చేసి హత్య చేశారంటూ ప్రత్యర్థులపై ఫిర్యాదు చేశాడు. కేసు నమోదు చేసిన పోలీసులు విచారణ చేపట్టారు. ఆధారాలు లభించకపోవడంతో ఆ కేసు అలా పెండింగ్‌లో ఉండిపోయింది. అయితే సడెన్‌గా అజయ్ ఊళ్లో ప్రత్యక్షమవడంతో అసలు నిజాలు బయటికొచ్చాయి. అతను కర్ణాటక నుంచి పూణె వెళ్లిపోయాడని.. తాను బతికే ఉన్నట్లు తండ్రి బన్వరి లాల్‌కి ముందే తెలిసినట్లు తేలడంతో పోలీసులు అజయ్ తండ్రిపై కేసు నమోదు చేసేందుకు సన్నద్ధమవుతున్నారు.

Also Read:
భార్య ప్రసవం.. భర్త మరణం.. కంటతడి పెట్టిస్తున్న అత్యంత విషాద ఘటన



Source link

Leave a Reply

Your email address will not be published. Required fields are marked *