Agriculture Fund: Modi గుడ్ న్యూస్.. రైతుల కోసం రూ.లక్ష కోట్లు! – modi government sets up agriculture fund of rs 1 lakh crore


ప్రధానాంశాలు:

  • కేంద్రం కొత్త ఫండ్ ఏర్పాటు
  • దీని పేరు అగ్రికల్చర్ ఫండ్
  • దీంతో రైతులకు ప్రయోజనం

కేంద్ర ప్రభుత్వం రైతులకు అధిక ప్రాధాన్యం ఇస్తోంది. అందుకే వారి కోసం మోదీ సర్కార్ పీఎం కిసాన్ స్కీమ్ కింద రూ.6000 అందిస్తూ వస్తోంది. అంతేకాకుండా ఇప్పుడు తాజాగా మరో కీలక నిర్ణయం కూడా తీసుకుంది. అన్నదాతను ఆదుకునేందుకు ప్రత్యేక ఫండ్‌ను ఏర్పాటు చేస్తున్నట్లు ప్రకటించింది.

రూ.లక్ష కోట్లతో అగ్రికల్చర్ ఫండ్‌ను ఏర్పాటు చేస్తున్నట్లు కేంద్ర వ్యవసాయ శాఖ మంత్రి నరేంద్ర సింగ్ తోమర్ తెలిపారు. దీనికి కేంద్ర క్యాబినెట్ ఆమోదం తెలిపింది. దీని ద్వారా ప్రైవేట్ ఇన్వెస్ట్‌మెంట్లను గ్రామాలకు చేర్చుతామని ఆయన పేర్కొన్నారు. ఇందులో భాగంగానే రాష్ట్ర ప్రభుత్వాలు, స్థానిక సంస్థలు, ఇతర ఏజెన్సీలతో కలిసి పనిచేస్తామని తెలిపారు.

Also Read: PF ఖాతాదారులకు మోదీ శుభవార్త.. ఆ నిర్ణయంతో 72 లక్షల మందికి ప్రయోజనం!

అగ్రి ఫండ్‌లో భాగంగానే శీతల గిడ్డంగులు, వేర్‌హౌస్‌లు, ఇమార్కెటింగ్ పాయింట్లు, ఇట్రేడింగ్ ప్లాట్‌ఫామ్స్ వంటి వాటిని నిర్మిస్తామని తోమర్ పేర్కొన్నారు. అంతేకాకుండా ప్రైమరీ అగ్రి క్రెడిట్ సొసైటీ, ఫార్మర్స్ గ్రూప్, అగ్రి ఎంట్రప్రెన్యూర్స్, స్టార్టప్స్, అగ్రి టెక్ సంస్థలకు నిధులు అందజేస్తామని తెలిపారు.

ఈపీఎఫ్ అకౌంట్‌లో సాధారణంగా కంపెనీ 12 శాతం, ఉద్యోగి వేతనంలో 12 శాతం (బేసిక్, డీఏ) జమవుతూ వస్తుంది. అయితే కరోనా వైరస్ కారణంగా కేంద్ర ప్రభుత్వమే ఈ కంట్రిబ్యూషన్‌ను భరిస్తోంది. మార్చి, ఏప్రిల్, మే నెలలకు మోదీ సర్కార్ పీఎఫ్ డబ్బులను మీ తరుపున, మీ కంపెనీ తరుపున ఈపీఎఫ్ ఖాతాలో జమచేస్తూ వచ్చింది.

Also Read: గుడ్ న్యూస్.. భారీగా దిగొచ్చిన బంగారం ధర.. వెండి పతనం!

ఇలాగే ఇప్పుడు మరో 3 నెలలపాలు పీఎఫ్ కంట్రిబ్యూషన్ భారాన్ని కేంద్రమే భరించనుంది. అంటే జూన్ నుంచి ఆగస్ట్ వరకు పీఎఫ్ డబ్బులు కేంద్ర ప్రభుత్వమే చెల్లిస్తుంది. ప్రధాన్ మంత్రి గరీబ్ కల్యాణ్ యోజన స్కీమ్ కింద కేంద్ర ప్రభుత్వం ఈ ఫెసిలిటీ అందిస్తోంది.

కాగా తాజా నిర్ణయంతో కేంద్ర ప్రభుత్వంపై ఏకంగా రూ.4860 కోట్ల భారం పడనుంది. దాదాపు 72 లక్షల మందికి ప్రయోజనం కలుగుతుందని కేంద్ర మంత్రి ప్రకాశ్ జవదేకర్ తెలిపారు. అలాగే గరీబ్ కల్యాణ్ యోజన స్కీమ్‌ను కూడా నవంబర్ వరకు పొడిగిస్తున్నట్లు ప్రకటించారు.



Source link

Leave a Reply

Your email address will not be published. Required fields are marked *