airtel nokia deal: ఎయిర్‌టెల్ – నోకియా భారీ డీల్.. 5జీ సర్వీసులే టార్గెట్! – nokia bags rs 7,500 crore deal from airtel


ప్రధానాంశాలు:

  • ఇరు సంస్థల మధ్య భాగస్వామ్యం
  • మెరుగుపడనున్న ఎయిర్‌టెల్ నెట్‌వర్క్ సామర్థ్యం
  • డీల్ విలువ రూ.7,500 కోట్లు

ప్రముఖ మొబైల్ హ్యాండ్‌సెట్స్ తయారీ కంపెనీ, నెట్‌వర్క్ ఎక్విప్‌మెంట్ తయారీ సంస్థ నోకియా తాజాగా ప్రముఖ టెలికం కంపెనీ భారతీ ఎయిర్‌టెల్‌తో జతకట్టింది. ఎయిర్‌టెల్ నుంచి ఏకంగా రూ.7,500 కోట్ల డీల్‌ను పొందింది. ఇందులో భాగంగా కంపెనీ దేశవ్యాప్తంగా 9 సర్కిళ్లలో 4జీ నెట్‌వర్క్‌ను మరింత మెరుగుపరిచేందుకు అవసరమైన రేడియో యూనిట్లను ఏర్పాటు చేయనుంది. దీంతో నెట్‌వర్క్ కెపాసిటీ మెరుగుపడుతుంది. అలాగే కస్టమర్లకు కూడా మెరుగైన సేవలు లభిస్తాయి.

దేశవ్యాప్తంగా తొమ్మిది సర్కిళ్లలో నోకియాకు చెందిన సింగల్ రేడియో యాక్సెస్ నెట్‌వర్క్ (ఎస్ఆర్ఏఎన్) సొల్యూషన్స్ కోసం నోకియాతో మల్టీఇయర్ ఒప్పందం కుదుర్చుకున్నామని భారతీ ఎయిర్‌టెల్ తెలిపింది. దీంతో కంపెనీ నెట్‌వర్క్స్ ప్రత్యేకించి 4జీ నెట్‌వర్క్ మెరుగుపడుతుంది. డీల్ పరిమాణం రూ.7,500 కోట్లు.

Also Read: షాక్.. భారీగా పెరిగిన బంగారం ధర.. పడిపోయిన వెండి!

‘భవిష్యత్‌లో 5జీ కనెక్టివిటీకి కూడా తాజా డీల్ పునాదిగా ఉపయోగపడనుంది. పలు స్పెక్ట్రమ్ బ్యాండ్స్‌లో దాదాపు 3,00,000 రేడియో యూనిట్లను ఏర్పాటు చేస్తాం. 900 మెగాహెర్ట్జ్, 1800 మెగాహెర్ట్జ్, 2100 మెగాహెర్ట్జ్, 2300 మెగాహెర్ట్జ్ బ్యాండ్స్‌ కూడా ఇందులో భాగమే. 2022 నాటికి ఈ వీటి ఏర్పాటు పూర్తి కావొచ్చు’ అని భారతీ ఎయిర్‌టెల్ పేర్కొంది.

ప్రపంచంలోని అతిపెద్ద టెలికం మార్కెట్లలో ఒకటైన భారత్‌లో భవిష్యత్ కనెక్టివిటీ నెట్‌వర్క్స్‌కు తాజా డీల్ చాలా కీలకమైనదని నోకియా సీఈవో రాజీవ్ సూరి తెలిపారు. ప్రపంచంలోనే భారత్ రెండో అతిపెద్ద టెలికం మార్కెట్‌గా కొనసాగుతున్న విషయం తెలిసిందే. 5జీ నెట్‌వర్క్స్‌కు సంబంధించి హువావే, ఎరిక్‌సన్ వంటి కంపెనీలతో నోకియా పోటీ పడుతున్న విషయం తెలిసిందే.



Source link

Leave a Reply

Your email address will not be published. Required fields are marked *