allocations for MGNREGS: వలస జీవులకు ఊరట.. ఉపాధి హామీ పథకానికి రూ.40వేల కోట్లు – union govt allocates rs 40,000 crore more for mgnregs in economic stimulus package


ఆత్మ నిర్భర్ భారత్ ప్యాకేజీలో భాగంగా మహాత్మా గాంధీ జాతీయ గ్రామీణ ఉపాధీ హామీ పథకానికి అదనరంగా రూ.40,000 కోట్లు కేంద్రం ప్రకటించింది. దీంతో సొంతూళ్లకు చేరుకుంటున్న వలస కూలీలకు ఉపాధికి అవకాశం ఏర్పడుతుంది. ఇప్పటికే బడ్జెట్‌లో ఎంజీఎన్ఆర్‌జీసీకి రూ.61,000 కోట్లు కేటాయించామని, వాటికి ఈ రూ.40వేల కోట్లు అదనమని కేంద్ర ఆర్ధిక మంత్రి వెల్లడించారు. అలాగే ప్రజారోగ్యానికి కూడా నిధులు పెంచుతున్నట్టు ఆమె పేర్కొన్నారు. అయితే, దీనికి సంబంధించిన వివరాలను మాత్రం వెల్లడించలేదు.

Read Also: కరోనా దెబ్బకు ఆగిపోయిన వివాహాలు.. మరికొన్నాళ్లు నిరాడంబరంగానే!

రాష్ట్రాల విపత్తు నిర్వహణ కోసం నిధులు విడుదల చేస్తూనే ఉన్నామని, ఏప్రిల్‌ నుంచి రూ.46,038 కోట్లు విడుదల చేసినట్లు చెప్పారు. రెవెన్యూ లోటు భర్తీ కోసం రూ.12,390 కోట్లు విడుదల చేసినట్లు ఆర్థిక మంత్రి తెలియజేశారు. ఎస్‌డీఆర్‌ఎఫ్‌ ద్వారా రూ.11,092 కోట్లు విడుదల చేశామన్నారు. నిధుల కొరత ఉన్న రాష్ట్రాలకు ఆర్‌బీఐ ద్వారా నిధులు సమకూర్చాం, కేంద్రం విజ్ఞప్తిని మన్నించి రాష్ట్రాలకు ఆర్‌బీఐ ఓవర్‌ డ్రాఫ్ట్‌ సౌకర్యం పెంచిందని తెలిపారు. ఒక త్రైమాసికంలో రాష్ట్రాల ఓవర్‌ డ్రాఫ్ట్‌ పరిమితి 32 రోజుల నుంచి 50 రోజులకు పెంచినట్లు వివరించారు. రాష్ట్రాలకు వేస్‌ అండ్‌ మీన్స్‌ పరిమితిని ఆర్‌బీఐ 60శాతం పెంచిందన్నారు.

Read Also:అర్ధరాత్రి ఫోన్ కాల్.. స్వయంగా వంటచేసి వలస కూలీల ఆకలి తీర్చిన విజయనగరం ఎస్పీ
రాష్ట్రాలకు అందుబాటులోకి తెచ్చిన రుణాల్లో కేవలం 14 శాతం మాత్రమే వినియోగించుకున్నాయి, రాష్ట్రాలు వినియోగించుకుంది పోనూ రూ.4.28లక్షల కోట్లు రుణాల రూపంలో అందుబాటులో ఉన్నాయని వివరించారు. రాష్ట్రాల రుణపరిమితిని జీఎస్‌డీపీలో 3 నుంచి 5శాతానికి పెంచామని, రుణ పరిమితి పెంపు వల్ల రాష్ట్రాలకు రూ.4.28లక్షల కోట్లు అదనంగా అప్పులు తెచ్చుకునే అవకాశం లభిస్తుందన్నారు.



Source link

Leave a Reply

Your email address will not be published. Required fields are marked *