amala paul: NBK 106: బాలకృష్ణకు జోడీగా అమలాపాల్! – amala paul in talks to play a crucial role in balakrishna boyapati film?


నటసింహా నందమూరి బాలకృష్ణ హీరోగా మాస్ డైరెక్టర్ బోయపాటి శ్రీను దర్శకత్వంలో ఓ సినిమా వస్తోన్న సంగతి తెలిసిందే. ఇది బాలకృష్ణ 106వ చిత్రం. ఇంకా టైటిల్ ఖరారు చేయలేదు. ‘మోనార్క్’, ‘సూపర్ మ్యాన్’ టైటిల్స్‌ను పరిశీలిస్తున్నట్టు ఇండస్ట్రీ టాక్. ఈ చిత్రాన్ని ద్వారకా క్రియేషన్స్ బ్యానర్‌పై మిర్యాల రవీందర్ రెడ్డి నిర్మిస్తున్నారు. అయితే, ఈ సినిమాలో బాలకృష్ణ తప్ప ఇతర పాత్రధారులు ఎవరనే విషయంపై అధికారిక ప్రకటనలేదు.

ఈ సినిమాలో ఇద్దరు హీరోయిన్లు ఉంటారని చిత్ర వర్గాల సమాచారం. ఈ ఇద్దరిలో ఒక కొత్త హీరోయిన్‌కు చోటుందట. ఇక మరో హీరోయిన్‌గా ఎవరిని ఎంపిక చేశారనే విషయంలో ఇప్పటికే చాలా రూమర్లు వచ్చాయి. హీరోయిన్ అంజలి పేరును కూడా బోయపాటి శ్రీను పరిశీలించారని సమాచారం. అయితే ప్రముఖ నటి అమలాపాల్ ఈ సినిమాలో బాలయ్య సరసన నటించనున్నారని తాజా వినిపిస్తోన్న వార్త. ఇది సినిమాకు చాలా కీలకమైన పాత్ర కావడంతో అమలాపాల్‌ను బోయపాటి సంప్రదించారట. ఆమెకు కథ నచ్చడంతో వెంటనే పచ్చజెండా ఊపేసారని అంటున్నారు. త్వరలోనే దీనిపై అధికారిక ప్రకటన వస్తుందట.

Also Read:బాలయ్య బాబు మోనార్క్ అనుకుంటే పొరపాటే.. సూపర్ మ్యాన్ ఆయన!! వెరీ క్రేజీ

కాగా, ఈ సినిమా షూటింగ్ ఈ ఏడాది మొదట్లో ప్రారంభమైన విషయం తెలిసిందే. రామోజీ ఫిల్మ్ సిటీలో బాలకృష్ణపై ఒక ఫైట్ సీన్ చిత్రీకరించారు. ఇదే సన్నివేశంలోని కొన్ని క్లిప్స్‌తో చిన్న టీజర్‌ను కూడా వదిలారు. ఈ టీజర్‌కు విశేష స్పందన వచ్చింది. కరోనా వైరస్ కారణంగా ఈ సినిమా షూటింగ్ వాయిదా పడింది. కరోనా మహమ్మారి నుంచి పూర్తిగా కోలుకున్న తరవాత అంటే ఈ ఏడాది ఆఖరిలో ఈ చిత్ర షూటింగ్ తిరిగి మొదలయ్యే అవకాశం ఉందని అంటున్నారు. బోయపాటి శ్రీను, బాలయ్య కాంబినేషన్‌లో వస్తోన్న మూడో సినిమా కావడంతో భారీ అంచనాలున్నాయి. ఆ అంచనాలకు ఏ మాత్రం తగ్గకుండా బోయపాటి ఈ సినిమాను అద్భుతంగా తీర్చిదిద్దేందుకు ప్లాన్ చేస్తున్నారట.



Source link

Leave a Reply

Your email address will not be published. Required fields are marked *