amazon offers: అమెజాన్ కొత్త కార్యక్రమం.. వారికి ఉచితంగానే 4జీ ట్యాబ్లెట్ కంప్యూటర్లు! – amazon india launches delivering smiles program to support online education of students


ప్రధానాంశాలు:

  • అమెజాన్ కొత్త కార్యక్రమం
  • ఉచితంగా 4జీ ట్యాబెట్ కంప్యూటర్లు
  • వారికి బెనిఫిట్

దిగ్గజ ఈకామర్స్ సంస్థ అమెజాన్ తాజాగా కొత్త కార్యక్రమానికి శ్రీకారం చుట్టింది. కరోనా వైరస్ ప్రతికూల పరిస్థితుల్లో తక్కువ ఆదాయం కలిగిన పేద కుటుంబాల్లోని విద్యార్థులకు ఊరట కలుగనుంది. వీరికి ఆన్‌లైన్ తరగతులకు కావలసిన స్స్మార్ట్ ఉపకరణాలను అందించేందుకు ‘డెలివరింగ్ స్మైల్స్’ పేరుతో కొత్త కార్యక్రమాన్ని అందుబాటులోకి తీసుకు వస్తున్నామని అమెజాన్ ఇండియా ప్రకటించింది.

అమెజాన్ డెలివరింగ్ స్మైల్స్ కార్యక్రమానికి మద్దతుగా ప్రతి ఒక్కరూ తమ వంతు విరాళాన్ని అందించేందుకు అవకాశం కూడా ఉంది. ఇందులో భాగంగా విద్యార్థులకు ఉపకరణాలను బహుమతిగా అందించడమే కాకుండా, చిన్న స్థాయిలో బహుమతులను అందించి మద్దతుగా నిలువవచ్చు. లబ్దిదారులకు ఈ ఉపకరణాలను చేరవేర్చేందుకు అమెజాన్ ప్రముఖ ఎన్‌జిఓలతో భాగస్వామ్యాన్ని కలిగి ఉంది.

Also Read: బంగారం ధర వెలవెల.. వెండి పైపైకి!

అమెజాన్ ప్రత్యక్షంగా 5,000 4జీ ట్యాబ్స్‌ను 18 ఎన్‌జీఓల ద్వారా విద్యార్థులకు అందించనుది. వినియోగదారులు రూ.10,000 కన్నా తక్కువ ధరలోని మొబైల్ ఫోన్లు, ట్యాబ్లెట్ కంప్యూటర్లను అమెజాన్ Gift a smile pageలోని ఎన్‌జిఓ జాబితాకు అనుగుణంగా లేదా నేరుగా నగదును అమెజాన్ పే ద్వారా Donations క్లిక్ బటన్ ద్వారా బదిలీ చేయవచ్చు.

‘కొవిడ్-19 మహమ్మారి మన జీవితాలపై అపారమైన పరిణామాన్ని చూపించింది. ఈ విపత్తు అసాధారణ సవాళ్లను తీసుకు వచ్చినప్పటికీ అమెజాన్ ఇండియా డెలివరింగ్ స్టైల్స్ వంటి కార్యక్రమాల ద్వారా తక్కువ ఆదాయం కలిగిన పేద కుటుంబాలకు చెందిన విద్యార్థులకు బోధన ఉపకరణాలను అందించడం ద్వారా తన నిబద్ధతను కొనసాగించడం సంతోషాన్ని కలిగిస్తుంది’ అని కేంద్ర విద్యా మంత్రి రమేశ్ పోఖ్రియాల్ నిశాంక్ పేర్కొన్నారు. డెలివరింగ్ స్మైల్స్ కార్యక్రమం గురించి అమెజాన్.ఇన్ ఉపాధ్యక్షుడు మనీశ్ తివారి మాట్లాడుతూ.. ఈ ఏడాది మహమ్మారితో వేలాది బాలల విద్యాభ్యాసం సమస్యల్లో చిక్కుకుందని, వీరికి సాయం చేయాలని సంకల్పించామని తెలిపారు.



Source link

Leave a Reply

Your email address will not be published. Required fields are marked *