amit panghal: ఖేల్‌రత్న అవార్డుకి బాక్సర్ అమిత్ నామినేట్.. తెరపైకి డోపింగ్ – indian boxer amit panghal nominated for khel ratna but doping past may ruin his chances again


భారత స్టార్ బాక్సర్ అమిత్ పంగాల్ ప్రతిష్ఠాత్మక క్రీడా పురస్కారం ‘రాజీవ్ గాంధీ ఖేల్‌రత్న అవార్డు’కి నామినేట్ అయ్యాడు. బాక్సింగ్ ఫెడరేషన్ ఆఫ్ ఇండియా (బీఎఫ్ఐ) తాజాగా అమిత్ పంగాల్‌ పేరుతో పాటు మరో బాక్సర్ వికాస్ క్రిష్ణన్ పేరుని కూడా ఖేల్‌రత్న అవార్డు కోసం కేంద్ర క్రీడల మంత్రిత్వ శాఖకి పంపింది. అయితే.. గతంలో డోపింగ్ టెస్టులో ఫెయిలైన అమిత్‌‌‌కి ఖేల్‌‌రత్న అవార్డు లభించడం కష్టమేని అభిప్రాయాలు వినిపిస్తుండగా.. 2012లో అర్జున అవార్డుని కైవసం చేసుకున్న వికాస్ రేసులో ముందు నిలిచాడు.

52 కేజీల విభాగంలో పోటీపడుతున్న అమిత్ పంగాల్.. గత ఏడాది వరల్డ్ బాక్సింగ్ ఛాంపియన్‌‌షిప్‌‌లో ఫైనల్‌కి చేరినా కొద్దిలో పసిడిని చేజార్చుకున్నాడు. అయినప్పటికీ ఆ టోర్నీలో ఫైనల్‌కి చేరిన తొలి భారత పురుష బాక్సర్‌గా సరికొత్త రికార్డ్ నెలకొల్పిన అమిత్ పంగాల్.. టోక్యో ఒలింపిక్స్‌కి అర్హత సాధించాడు. దాంతో.. అతని పేరుని ఖేల్‌రత్నకి బీఎఫ్ఐ ప్రతిపాదించింది. కానీ.. 2012లో డోపింగ్ టెస్టులో ఫెయిలైన అమిత్ ఏడాది నిషేధానికి గురయ్యాడు.

డోపింగ్ టెస్టులో ఫెయిలైన అథ్లెట్స్‌ని క్రీడా పురస్కారాలకి అనర్హులుగా క్రీడల మంత్రిత్వ పరిగణిస్తుంది. ఈ కారణంగానే 2018, 2019లో అర్జున అవార్డుకి అమిత్ పంగాల్ నామినేట్ అయినా.. అతనికి ఆ అవార్డు లభించలేదు. తాజాగా అదే సీన్ రిపీట్ అవుతుందని కొందరు అభిప్రాయపడుతున్నారు. దాంతో.. 69 కేజీల విభాగంలో పోటీపడుతూ 2018 కామన్వెల్త్ గేమ్స్, ఆసియా గేమ్స్‌లో బంగారు పతకాలు సాధించిన వికాస్ రేసులో ముందు నిలిచాడు.



Source link

Leave a Reply

Your email address will not be published. Required fields are marked *