amit shah: BJP మిషన్ తమిళనాడు: చెన్నైలో అమిత్ షా.. గో బ్యాక్ అంటూ ప్లకార్డు విసిరిన వ్యక్తి – bjp mission tamil nadu: amit shah in chennai for 2 days visit


మిత్ షా చెన్నై పర్యటనలో స్వల్ప ఉద్రిక్తత చోటు చేసుకుంది. రెండు రోజుల పర్యటన నిమిత్తం శనివారం (నవంబర్ 21) తమిళనాడు రాజధాని చెన్నై చేరుకున్న కేంద్ర హోం మంత్రి అమిత్ షాకు ఘన స్వాగతం లభించింది. చెన్నై విమానాశ్రయంలో ఆయనకు తమిళనాడు ముఖ్యమంత్రి పళనిస్వామి, ఉపముఖ్యమంత్రి పన్నీర్‌ సెల్వం, తమిళనాడు బీజేపీ అధ్యక్షుడు మురుగన్‌ తదితరులు సాదర స్వాగతం పలికారు. అమిత్ షా అక్కడి నుంచి లీలా ప్యాలెస్‌ హోటల్‌కు బయల్దేరారు.

ఎయిర్‌పోర్టుకు దారి తీసే మార్గంలో బీజేపీ, అన్నాడీఎంకే కార్యకర్తలు దారి పొడవునా సాదర స్వాగతం పలికారు. అభిమానులను ఉత్సాహ పరిచేందుకు అమిత్ షా తన కారును ఆపించి, కిందకు దిగి కొంత దూరం రహదారిపై కాలినడక వెళ్లారు. అందర్నీ ఆశ్చర్యపర్చారు. అభిమానులకు అభివాదం చేస్తూ ముందుకు సాగుతుండగా.. ఓ వ్యక్తి ‘గో బ్యాక్ అమిత్ షా’ అని రాసి ఉన్న ప్లకార్డును ఆయన వైపు విసిరేసి నిరసన వ్యక్తం చేశాడు.

అమిత్ షాకు 50 మీటర్ల దూరంలో ప్లకార్డు పడింది. అమిత్ షాకు వ్యతిరేకంగా నినాదాలు చేస్తున్న ఆ వ్యక్తిని బీజేపీ కార్యకర్తలు అడ్డుకున్నారు. దాడి చేయడానికి ప్రయత్నించారు. దీంతో అక్కడ స్వల్ప ఉద్రిక్తత చోటు చేసుకుంది. వెంటనే అప్రమత్తమైన పోలీసులు అతడిని అదుపులోకి తీసుకున్నారు. ప్లకార్డు విసిరిన వ్యక్తిని చెన్నైకి చెందిన 67 ఏళ్ల దురైరాజ్‌గా గుర్తించారు.

Amit shah

అమిత్ షా చెన్నై పర్యటన

రెండు రోజుల పర్యటనలో భాగంగా అమిత్ షా.. చెన్నైలో రూ.67 కోట్ల విలువైన పలు ప్రాజెక్టులకు శంకుస్థాపన చేశారు. తిరువళ్లూరులో రూ. 380 కోట్లతో నిర్మించిన రిజర్వాయర్‌ను ప్రజలకు అంకితం చేశారు. చెన్నై మెట్రో రైలు రెండో దశ పనులకు శంకుస్థాపన చేశారు.

Tamil Nadu Resorvior

రిజర్వాయర్

అసెంబ్లీ ఎన్నికలకు సమాయత్తం..
అమిత్ షా ఆదివారం బీజేపీ నేతలు, కార్యకర్తలతో సమావేశమై మార్గనిర్దేశనం చేయనున్నారు. తమిళనాడులో వచ్చే ఏడాది అసెంబ్లీ ఎన్నికలు జరగనున్న నేపథ్యంలో అమిత్ షా పర్యటన ప్రాధాన్యం సంతరించుకుంది. అన్నాడీఎంకే, బీజేపీ కూటమి బలోపేతంపై అమిత్ షా దృష్టిపెట్టారు. కరుణానిధి పెద్ద కుమారుడితోనూ అమిత్ షా భేటీ అయ్యే అవకాశం ఉన్నట్లు తెలుస్తోంది.

Also Read:కాలుష్యంతో క్షీణిస్తున్న సోనియా ఆరోగ్యం.. గోవాకు షిప్ట్

Must Read:GHMC Polls: కరోనా రోగులు, వికలాంగులు, వృద్ధులకు పోస్టల్ బ్యాలెట్.. పిల్లల తల్లులకు సదుపాయాలు



Source link

Leave a Reply

Your email address will not be published. Required fields are marked *