amit shah : Fact Check: హోం మంత్రి అమిత్ షాకు కరోనా వైరస్ సోకిందా..!? – fake alert: doctored tv headline says amit shah in the grip of coronavirus is fake


ఆరోపణ: కేంద్ర హోం శాఖ మంత్రి అమిత్ షా.. ప్రాణాంతక కరోనా వైరస్ బారిన పడ్డారని సోషల్ మీడియా, వాట్సాప్‌లలో కొంత మంది కోడై కూస్తున్నారు. ఇటీవలే ఇటలీ పర్యటనకు వెళ్లొచ్చిన అమిత్ షాకు కరోనా పాజిటివ్‌గా తేలిందని ప్రచారం చేస్తున్నారు. ఓ న్యూస్ ఛానెల్ బ్రేకింగ్ న్యూస్ గ్రాఫిక్ కార్డును స్క్రీన్ షాట్ తీసి షేర్ చేస్తున్నారు.


ఫేస్‌బుక్‌ పోస్టును స్క్రీన్‌షాట్ తీసి వాట్సాప్‌లో తెగ షేర్ చేస్తున్నారు. ‘మోదీ గారూ చెప్పండి.. ఇది నిజమేనా’ అని నిలదీస్తున్నారు. ఒరిజినల్ స్క్రీన్‌షాట్‌ను ఆజ్ తక్ న్యూస్ ఛానెల్ నుంచి తీశారు. ‘హోం మంత్రి అమిత్ షా కరోనా గుప్పిట్లో ఉన్నారు. గత వారం ఆయన ఇటలీలో పర్యటించారు. భారత్ తిరిగొచ్చిన తర్వాత పరీక్షలు చేయించుకోలేదు. దీంతో మరింత మందికి వైరస్ వ్యాపించి ఉంటుంది’ అనే అర్థం వచ్చేలా అమిత్ షాకు సంబంధించిన స్క్రీన్ షాట్‌ను వైరల్ చేస్తున్నారు.

అసలు వాస్తవం:

హోం మంత్రి అమిత్ షా ఎలాంటి వైరస్ బారినపడలేదు. కరోనా అంతకన్నా సోకలేదు. గురువారం (మార్చి 27) దేశంలో కరోనా కట్టడి, లాక్‌డౌన్‌పై ప్రధాని మోదీ మంత్రులతో సమీక్షా సమావేశం నిర్వహించారు. ఈ సమావేశానికి అమిత్ షా హాజరయ్యారు. ఆయనకు ఎలాంటి ఇబ్బంది లేదనడానికి ఇదే నిదర్శనం. అంతేకాకుండా ప్రధానితో భేటీ అనంతరం అందుకు సంబంధించిన ఫోటోను ట్వీట్ చేసిన అమిత్ షా.. సామాజిక దూరాన్ని పాటించాలని దేశ ప్రజలకు పిలుపునిచ్చారు. ప్రధాని మోదీ నిర్వహించిన సమావేశంలో తామంతా సోషల్ డిస్టాన్స్ పాటించామని వెల్లడించారు.

Also Read:
మోదీ లాక్‌డౌన్‌ స్పీచ్‌ నయా రికార్డు

అయితే సోషల్ మీడియాలో చక్కర్లు కొడుతున్న గ్రాఫిక్ కార్డు పూర్తిగా ఫేక్ అన్నమాట. అలాగని.. సదరు న్యూస్ ఛానెల్‌లో తప్పుడు కథనం ప్రసారం చేశారనుకుంటే పొరపాటే. ఆ న్యూస్ ఛానెల్‌లో వచ్చిన అమిత్ షా ఫోటోను స్క్రీన్‌షాట్ తీసి, దానికి కామెంట్ జత చేసి విష ప్రచారం చేశారు.

అమిత్ షా

బ్రేక్ యువర్ ఓన్ న్యూస్ అనే వెబ్‌సైట్ ఇలాంటి ఫోటోలను ఎడిటింగ్ చేసుకోవడానికి అవకాశం ఇస్తోంది. ఇష్టమైన కామెంట్ పెట్టుకునే వెసులుబాటు కల్పిస్తోంది. దీన్ని కొంత మంది దుర్వినియోగం చేస్తున్నట్లు తెలుస్తోంది. ఈ ఘటనలోనూ ఇదే జరిగింది. ఆజ్ తక్ న్యూస్ ఛానెల్‌లో అమిత్ షాకు సంబంధించి ఓ వార్త చెబుతుండగా వేసిన ఫోటోను స్క్రీన్‌షాట్ తీసి.. breakyourownnews.com అనే వెబ్‌సైట్లో వేసి సంచలన హెడ్డింగ్ జత చేసి వైరల్ చేశారు.

తీర్పు: హోం మంత్రి అమిత్ షాకు కరోనా వైరస్ సోకిందనే వార్త అవాస్తవం. ఆయన ఇటలీ వెళ్లొచ్చారనేది అంతకంటే పెద్ద అవాస్తవం. టీవీ ఛానెల్ న్యూస్ ఫోటోను స్క్రీన్ షాట్ తీసి కొంత మంది దానికి తప్పుడు వ్యాఖ్య జత చేసి కావాలనే దుష్ప్రచారం చేసినట్లు తెలుస్తోంది.

Read this in English

Also Read:
కేటీఆర్ అన్నా.. ఇంట్లో మా ఆవిడతో విసిగిపోతున్నా, ఆ టీవీ వాళ్లకైనా చెప్పండి!

Don’t Miss:
నిఫా, వరదలు, కరోనా.. ఆ ప్రేమ జంట పెళ్లి 3 సార్లు వాయిదా!





Source link

Leave a Reply

Your email address will not be published. Required fields are marked *