Amzath Basha: ఉప ముఖ్యమంత్రిపై ఫిర్యాదు.. అనుచరులతో గుంపులుగా తిరుగుతున్నారంటూ.. – tdp leaders complaint police against deputy cm amzath basha over lockdown violation


రాష్ట్ర ఉప ముఖ్యమంత్రి అంజద్ బాషాపై తెలుగు దేశం పార్టీ నాయకులు పోలీసులకు ఫిర్యాదు చేశారు. ఉప ముఖ్యమంత్రి అయి ఉండి కూడా లాక్ డౌన్ నిబంధనలను ఉల్లంఘిస్తున్నారని టీడీపీ కడప జిల్లా ప్రధాన కార్యదర్శి హరిప్రసాద్ గోవర్ధన్ రెడ్డి, ఇతర నాయకులు ఫిర్యాదు చేశారు. కడప జిల్లాలో కరోనా కేసులు పెరగడానికి డిప్యూటీ సీఎం కారణమని ఆయన ఆరోపించారు. 45 రోజులుగా ఏదో ఒక కార్యక్రమం పేరుతో విచ్చలవిడిగా తిరుగుతూ కరోనా వైరస్ వ్యాప్తి చేస్తున్నారని పోలీసులకు ఫిర్యాదు చేశారు.

వ్యక్తిగత దూరం పాటించకుండా అనుచరులతో కలిసి మంత్రి నగరంలో యథేచ్ఛగా తిరుగుతున్నారని ఆపేక్షించారు. నిబంధనలు ఉల్లంఘిస్తున్న మంత్రిపై చర్యలు తీసుకోవాలని ఒకటో పట్టణ పోలీసులకు ఫిర్యాదు చేశారు. ప్రజల ప్రాణాలతో చెలగాటమాడుతున్న వైసీపీ నాయకులను వెంటనే అరెస్టు చేయాలని డిమాండ్ చేశారు.

కాగా, కడప జిల్లాలో కరోనా కేసులు రోజురోజుకూ పెరుగుతున్న విషయం తెలిసిందే. ఇప్పటి వరకు జిల్లాలో 79 కరోనా కేసులు నమోదు కాగా, గడిచిన 24 గంటల్లో 6 కేసులు నమోదయ్యాయి. అలాగే ఇప్పటి వరకు 37 మందికి కరోనా నెగిటివ్ రావడంతో డిశ్చార్జి కావడంతో జిల్లాలో కరోనా యాక్టివ్ కేసులు 42 ఉన్నాయి.



Source link

Leave a Reply

Your email address will not be published. Required fields are marked *