Anam Ramanarayana Reddy: వైసీపీ సీనియర్ ఎమ్మెల్యే ఆనం సంచలన వ్యాఖ్యలు – ysrcp mla anam ramanarayana reddy sensational comments on govt officials


మాజీ మంత్రి, వైఎస్సార్‌సీపీ సీనియర్ ఎమ్మెల్యే ఆనం రామనారాయణరెడ్డి మరోసారి సంచలన వ్యాఖ్యలు చేశారు. తన 40 ఏళ్ల రాజకీయ జీవితంలో ఇలాంటి పరిస్థితులు ఎప్పుడూ చూడలేదన్నారు. రాష్టంలో 175 నియోజకవర్గాలు ఉన్నాయా లేక 174 ఉన్నాయా అన్నారు. వెంకటగిరి అసలు రాష్టంలో లేదా అంటూ నిలదీశారు. 23 జిల్లాలకు మంత్రిగా చేసిన తనకు, ఎమ్మెల్యే పదవి అలంకారం కాదు.. ప్రజల కోసం ప్రభుత్వాన్ని, అధికారులను నిలదీయడానికి సిద్ధమన్నారు. వెంకటగిరి నియోజకవర్గ పరిధిలోని రావూరులో సమీక్ష నిర్వహించిన అనంతరం ఈ వ్యాఖ్యలు చేశారు.

విద్య, వైద్యం, సంక్షేమ పథకాలపై అధికారులు నివేదికలు తయారుచేయలేదని తప్పు బట్టారు. సోమశిల నీళ్లు అమ్ముకుంటున్నారా.. ఎస్‌ఎస్‌ కెనాల్‌ను పరిశీలించాలని సీఎం జగన్ ఎన్నిసార్లు చెప్పినా అధికారులు వినడం లేదన్నారు. జిల్లాకు సంబంధించిన నీటి లెక్కలు తెలియడం లేదా అంటూ ఫైరయ్యారు. గతంలోనే సోమశిల-స్వర్ణముఖి లింక్ కెనాల్ గురించి ముఖ్యమంత్రి చెప్పిన అధికారులు స్పందించడం లేదన్నారు. అధికారుల నుంచి సరైన సమాచారం, సమాధానం రావడం లేదని… మరో మూడు రోజుల్లో పూర్తి సమాచారంతో మీడియా ముందుకు వస్తానన్నారు.

ఆనం బుధవారం కూడా సంచలన వ్యాఖ్యలు చేశారు. వైఎస్సార్‌సీపీ అధికారంలోకి వచ్చి ఏడాది అవుతున్నా తన నియోజకవర్గంలో ఏ పనీ చేయలేకపోతున్నాను అన్నారు మాజీ మంత్రి, వెంకటగిరి ఎమ్మెల్యే ఆనం రామనారాయణరెడ్డి. తన నియోజకవర్గంలో అభివృద్ధికి సంబంధించి ఒక్క రూపాయి పని చేపట్టలేదని.. అసలు వెంకటగిరి నియోజకవర్గం ఉందా? తీసేశారా? లేక, రాష్ట్ర, జిల్లాస్థాయి అధికారులు, పాలకులు మరచిపోయారా అంటూ విరుచుకుపడ్డారు. తాను ఇక్కడి నుంచి గెలవడం వెంకటగిరి ప్రజలకు శాపంగా మారిందా.. తన మీద కక్షకట్టి నియోజకవర్గ ప్రజలకు అన్యాయం చేస్తున్నారా అంటూ ప్రశ్నించారు.



Source link

Leave a Reply

Your email address will not be published. Required fields are marked *