anantapur duplicate liquor seize : అనంతపురంలో నకిలీ మద్యం.. కర్ణాటక నుంచి అక్రమంగా.. – anantapur excise police seize duplicate liquor in hindupur


లాక్‌డౌన్‌తో మద్యం షాపులు మూతపడడంతో మందుబాబుల బలహీనతను క్యాష్ చేసుకునేందుకు కొందరు అడ్డదారులు తొక్కుతున్నారు. నకిలీ మద్యం అక్రమంగా తెచ్చి విక్రయాలు జరుపుతున్నారు. ముఖ్యంగా రాష్ట్రాల సరిహద్దు జిల్లాల్లో ఈ దందా ఎక్కువగా నడుస్తున్నట్లు తెలుస్తోంది. కర్ణాటక నుంచి అక్రమంగా తరలిస్తున్న నకిలీ మద్యం సీసాలను ఏపీ ఎక్సైజ్ పోలీసులు స్వాధీనం చేసుకున్నారు. అనంతపురం జిల్లా హిందూపురం పరిధిలోని మనేసముద్రం వద్ద తనిఖీలు నిర్వహిస్తుండగా కారులో తరలిస్తున్న నకిలీ మద్యం సీసాలను అధికారులు స్వాధీనం చేసుకున్నారు.


హిందూపురం పరిసర ప్రాంతాలలో విక్రయించేందుకు బెంగళూరు నుంచి కారులో తరలిస్తున్న 5 కేసుల (240 సీసాలు) నకిలీ మద్యం పట్టుబడింది. నకిలీ మద్యం తరలిస్తున్న ఈడిగ గుణ శేఖర్, ఈడిగ హరీష్ చోల, ఈడిగ ఓబి రెడ్డిలను అదుపులోకి తీసుకున్నారు. అలాగే జిల్లాలోని పలు ప్రాంతాల్లో నిర్వహించిన దాడుల్లో మరికొందరి నుంచి పెద్ద సంఖ్యలో మద్యం బాటిళ్లను స్వాధీనం చేసుకున్నారు.

Also Read:
పోలీస్ ముఖంపై దగ్గి, పెట్రోలింగ్ కారులో పాడుపని.. మహిళ అరాచకం

ఎరుకల శ్రీనివాసులు అనే వ్యక్తి నుంచి 5 కేసులు (240 సీసాలు), గిరీష్ కుమార్ వద్ద ఒక కేసు (48 సీసాలు) గంగాధర్ నాయక్ వద్ద రెండు కేసులు (96 సీసాలు), ఆది 2 కేసులు (96 సీసాలు), ఈశ్వర్ అనే వ్యక్తి వద్ద 133 మద్యం సీసాలు పట్టుబడ్డాయి. మొత్తం 851 నకిలీ మద్యం బాటిళ్లను స్వాధీనం చేసుకున్నట్లు అనంతపురం ఎక్సైజ్ డిప్యూటీ కమిషనర్ విజయ్ శంకర్, సీఐ నరసింహులు తెలిపారు.

Read Also: ప్యాంట్ విప్పి ప్రాధేయపడేది.. కామపిశాచిగా మారిన మహిళ.. సెక్స్ కోసం వెర్రి





Source link

Leave a Reply

Your email address will not be published. Required fields are marked *