Andhadhun Telugu remake: నితిన్‌కు నో చెప్పిన ఇలియానా.. అలాంటి పాత్రలు చేయదట!! – ileana d’cruz rejects nithiin’s andhadhun telugu remake offer


ఎనర్జిటిక్ స్టార్ రామ్‌ను హీరోగా పరిచయం చేస్తూ వైవీఎస్ చౌదరి తెరకెక్కించిన ‘దేవదాసు’ చిత్రం ద్వారా వెండితెరకు పరిచయమైన హీరోయిన్ ఇలియానా. తొలి చిత్రంతోనే తన అందంతో, అభినయంతో తెలుగు ప్రేక్షకులను కట్టిపడేసింది. ఆ వెంటనే మహేష్ బాబు ‘పోకిరి’ సినిమాలో నటించి స్టార్ హీరోయిన్ హోదాను దక్కించుకుంది. ఆ తరవాత వరుసపెట్టి సినిమాలు చేసి టాలీవుడ్‌లో బిజీ హీరోయిన్‌గా మారిపోయింది. ఇంచుమించుగా స్టార్ హీరోలు అందరి సరసన ఆమె నటించింది.

టాలీవుడ్‌లో మంచి క్రేజ్‌ను సంపాదించిన తరవాత ‘బర్ఫీ’ లాంటి మంచి సినిమాతో హిందీ ప్రేక్షకులను పలకరించింది ఇలియానా. ‘బర్ఫీ’ తరవాత ఇక బాలీవుడ్‌లోనే ఇలియానా సెటిలైపోయింది. బాలీవుడ్‌కు వెళ్లిన తరవాత సుమారు ఆరేళ్లు తెలుగు సినిమాల్లో ఇలియానా కనిపించలేదు. అయితే, 2018లో రవితేజ ‘అమర్ అక్బర్ ఆంటొని’ చిత్రం ద్వారా ఇలియానా టాలీవుడ్‌లో రీఎంట్రీ ఇచ్చింది. కానీ, ఈ సినిమా డిజాస్టర్ అయిపోయింది. దీని తరవాత మరే తెలుగు సినిమాను ఇలియానా అంగీకరించలేదు. అయితే, తాజాగా నితిన్ సినిమాలో వచ్చిన ఆఫర్‌ను ఇలియానా తిరస్కరించిందని సమాచారం.

Also Read:వాళ్లు వీధికుక్కలకంటే నీఛం.. డొక్కులే చైనా ఫోన్‌ నీ బతుకు: మాధవీలత ఫైర్

‘భీష్మ’ సినిమాతో సూపర్ సక్సెస్ అందుకున్న నితిన్ ప్రస్తుతం ‘రంగ్ దే’ సినిమా చేస్తున్నారు. వెంకీ అట్లూరి దర్శకత్వంలో తెరకెక్కుతోన్న ఈ సినిమాలో కీర్తి సురేష్ హీరోయిన్. ఈ చిత్రం ద్వారా బాలీవుడ్ హిట్ మూవీ ‘అంధాదున్’ తెలుగు రీమేక్‌లో నితిన్ నటించనున్నారు. నిజానికి ఈ సినిమాకు నిర్మాత కూడా ఆయనే. ‘అంధాదున్’ తెలుగు రీమేక్ హక్కులను ఆయనే కొనుగోలు చేశారు. శ్రేష్ఠ్ ఫిలింస్ బ్యానర్‌పై నితిన్ ఈ సినిమాను నిర్మిస్తున్నారు. మేర్లపాక గాంధీ దర్శకత్వం వహించనున్నారు.

హిందీలో ఆయుష్మాన్ ఖురానా పోషించిన పాత్రలో నితిన్ నటిస్తుండగా.. కీలకమైన టబు పాత్ర కోసం దర్శక నిర్మాతలు వేట మొదలుపెట్టారు. మొదట ఈ పాత్ర కోసం హిందీలో చేసిన టుబునే అడిగారట. కానీ, ఆమె అంగీకరించలేదని సమాచారం. ఆ తరవాత రమ్యక్రిష్ణ, అనసూయలను కూడా సంప్రదించారట. వీరు కూడా చేయమని చెప్పినట్టు టాక్. తాజాగా ఇలియానాను కూడా అడిగారట. ఈ ఆఫర్‌కు ఆమె కూడా నో చెప్పారట.

తెలుగులో మంచి గుర్తింపు ఉండి.. అందులోనూ ఒక కీలక పాత్ర చేసే అవకాశం వచ్చినా ఇలియానా నో చెప్పడానికి కారణం ఉంది. ‘అంధాదున్’లో టబుది నెగిటివ్ రోల్. ఇలియానా ఇంకా టాలీవుడ్‌లో హీరోయిన్‌గా ట్రై చేద్దామని చూస్తోందట. అలాంటప్పుడు నేను విలన్ రోల్ ఎలా చేయగలనని ఇల్లీ ప్రశ్నించిందట. తాను అప్పుడే అలాంటి పాత్రలు చేయనని, హీరోయిన్ పాత్రలు మాత్రమే చేస్తానని ఆమె స్పష్టం చేసిందని ఇండస్ట్రీ వర్గాల సమాచారం.



Source link

Leave a Reply

Your email address will not be published. Required fields are marked *