andhra corona cases: ఏపీకి గుడ్ న్యూస్: సగానికి పడిపోయిన కరోనా కేసులు.. భారీగా పెరిగిన డిశ్చార్జిలు – ap coronavirus cases reported for 1,901 and death toll decreased for 19 on 26, october monday


ఆంధ్రప్రదేశ్‌లో కరోనా వైరస్ కేసులు మళ్లీ భారీగా పడిపోయాయి. గత కొన్ని రోజులుగా స్వల్పంగా తగ్గుముఖం పట్టిన కేసులు సోమవారం సగానికి పడిపోయాయి. అయితే కరోనా వైరస్ నిర్ధారణ పరీక్షలు భారీగా తగ్గించడమే ఇందుకు కారణంగా తెలుస్తోంది. ప్రతి రోజూ 70 వేలకు పైగా కరోనా నిర్ధారణ పరీక్షలు నిర్వహిస్తుండగా, ఆదివారం కేవలం 51 వేల పరీక్షలే చేశారు. దీంతో సోమవారం రాష్ట్ర వైద్య, ఆరోగ్య శాఖ విడుదల చేసిన బులిటెన్‌లో గడిచిన 24 గంటల్లో 51,544 మందికి కరోనా వైరస్ నిర్ధారణ పరీక్షలు నిర్వహించగా 1,901 మందికి పాజిటివ్‌గా నిర్ధారణ అయింది. దీంతో రాష్ట్రవ్యాప్తంగా మొత్తం కరోనా వైరస్ కేసులు 8,08,924కు చేరుకున్నాయి.

అలాగే రాష్ట్రంలో కరోనా వైరస్ మరణాలు స్వల్పంగా తగ్గాయి. ఆదివారం కరోనా బారినపడి 19 మంది మరణించారు. దీంతో రాష్ట్రవ్యాప్తంగా కరోనా మహమ్మారి వల్ల మృతి చెందిన వారి సంఖ్య 6,606కు చేరుకుంది. కరోనా మహమ్మారి బారిన పడి గడిచిన 24 గంటల్లో చిత్తూరు జిల్లాలో నలుగురు, కడపలో ముగ్గురు, కృష్ణాలో ముగ్గురు, అనంతపురంలో ఇద్దరు, తూర్పు గోదావరిలో ఇద్దరు, గుంటూరులో ఒకరు, నెల్లూరులో ఒకరు, శ్రీకాకుళంలో ఒకరు, విశాఖపట్నంలో ఒకరు, పశ్చిమ గోదావరిలో ఒకరు మృత్యువాత పడ్డారు.

అలాగే రాష్ట్రంలో డిశ్చార్జిలు స్వల్పంగా పెరిగాయి. సోమవారం 3,972 మంది కరోనా మహమ్మారిని పూర్తిగా జయించి డిశ్చార్జి అయ్యారని వైద్య ఆరోగ్య శాఖ వెల్లడించింది. దీంతో రాష్ట్రవ్యాప్తంగా నమోదైన మొత్తం 8,08,924 పాజిటివ్ కేసులకు గాను.. 7,73,548 మంది డిశ్చార్జి కాగా, ప్రస్తుతం 28,779 మంది వివిధ ఆస్పత్రుల్లో చికిత్స పొందుతున్నారు. ఇక, తూర్పు గోదావరి, పశ్చిమ గోదావరి, చిత్తూరు జిల్లాల్లో కరోనా కేసులు ఎక్కువగా నమోదవుతున్నాయి.

సోమవారం ఏపీ కరోనా కేసుల వివరాలు



Source link

Leave a Reply

Your email address will not be published. Required fields are marked *