andhra corona cases: ఏపీలో మళ్లీ పెరిగిన కరోనా కేసులు, తగ్గిన మరణాలు – ap coronavirus cases rised for 3,986 and death toll reported for 23 on 18th october sunday


ఆంధ్రప్రదేశ్‌లో కరోనా వైరస్ కేసులు మళ్లీ స్వల్పంగా పెరిగాయి. అయితే కరోనా మరణాలు పడిపోయాయి. ఆదివారం రాష్ట్ర వైద్య, ఆరోగ్య శాఖ విడుదల చేసిన బులిటెన్‌లో గడిచిన 24 గంటల్లో 74,945 మందికి కరోనా వైరస్ నిర్ధారణ పరీక్షలు నిర్వహించగా 3,986 మందికి పాజిటివ్‌గా నిర్ధారణ అయింది. దీంతో రాష్ట్రవ్యాప్తంగా మొత్తం కరోనా వైరస్ కేసులు 7,83,132కు చేరుకున్నాయి.

అలాగే రాష్ట్రంలో కరోనా వైరస్ మరణాలు భారీగా పడిపోయాయి. గత రెండు, మూడు నెలలతో పోలిస్తే అత్యంత తక్కువ మరణాలు సంభవించాయి. ఆదివారం కరోనా మరణాల సంఖ్య 23కి తగ్గిపోయింది. దీంతో రాష్ట్రవ్యాప్తంగా కరోనా మహమ్మారి వల్ల మృతి చెందిన వారి సంఖ్య 6,429కు చేరుకుంది. కరోనా మహమ్మారి బారిన పడి గడిచిన 24 గంటల్లో చిత్తూరు జిల్లాలో నలుగురు, గుంటూరులో నలుగురు, కృష్ణాలో నలుగురు, అనంతపురంలో ఇద్దరు, తూర్పు గోదావరిలో ఇద్దరు, నెల్లూరులో ఇద్దరు, పశ్చిమ గోదావరిలో ఇద్దరు, కడపలో ఒకరు, ప్రకాశంలో ఒకరు, విశాఖపట్నంలో ఒకరు మృత్యువాత పడ్డారు.

అలాగే డిశ్చార్జిలు మాత్రం రాష్ట్రంలో భారీగా పడిపోయాయి. ఆదివారం 4,591 మంది కరోనా మహమ్మారిని పూర్తిగా జయించి డిశ్చార్జి అయ్యారని వైద్య ఆరోగ్య శాఖ వెల్లడించింది. దీంతో రాష్ట్రవ్యాప్తంగా నమోదైన మొత్తం 7,83,132 పాజిటివ్ కేసులకు గాను.. 7,40,229 మంది డిశ్చార్జి కాగా, ప్రస్తుతం 36,474 మంది వివిధ ఆస్పత్రుల్లో చికిత్స పొందుతున్నారు.

ఆదివారం ఏపీ కరోనా వైరస్ కేసుల వివరాలు



Source link

Leave a Reply

Your email address will not be published. Required fields are marked *