AP Corona cases: ఏపీలో మళ్లీ కరోనా పంజా.. 2,627కు పెరిగిన కేసులు, 56 మంది మృతి – coronavirus positive cases rises for 2,627 in andhra pradesh


ఏపీలో కరోనా పంజా విసురుతూనే ఉంది. గత కొన్ని రోజులుగా తగ్గుతూ వస్తున్న కరోనా కేసులు ఆదివారం పెరిగాయి. గడిచిన 24 గంటల్లో రాష్ట్రవ్యాప్తంగా 11,357 శాంపిల్స్‌ను పరీక్షించగా 66 మందికి కోవిడ్ 19 పాజిటివ్‌గా నిర్ధారణ అయినట్లు మీడియా బులిటెన్‌లో వైద్య ఆరోగ్యశాఖ తెలిపింది. అయితే జిల్లాలవారీగా కేసుల వివరాలను ప్రభుత్వం తెలియజేయలేదు. తాజా కేసులు కలిపితే మొత్తం సంఖ్య 2,627కు చేరాయి. ఆదివారం మరో 29 మంది కోవిడ్ నుంచి కోలుకొని సంపూర్ణ ఆరోగ్యంతో డిశ్చార్జ్ అయ్యారు. దీంతో రాష్ట్రంలో డిశ్చార్జి అయిన వారి సంఖ్య 1,807కు చేరుకున్నాయి.

Also Read: అన్నయ్య నాగబాబుకు పవన్ కళ్యాణ్ కౌంటర్.. బాధ్యతగా ఉండాలని హితవు

దీంతో ప్రస్తుతం రాష్ట్రవ్యాప్తంగా కరోనా వైరస్ యాక్టివ్ కేసులు 764కు చేరుకున్నాయి. కాగా, ఆదివారం నమోదైన 66 కరోనా కేసుల్లో 8 కోయంబేడుకు సంబంధించినవే ఉన్నాయి. అలాగే కరోనా వల్ల ఇప్పటి వరకు రాష్ట్రవ్యాప్తంగా 56 మంది మరణించారు.

రాష్ట్రంలో అత్యధికంగా కర్నూలు జిల్లాలో 600పైగా పాజిటివ్ కేసులు నమోదయ్యాయి. తర్వాత గుంటూరు జిల్లాలో 400కు పైగా కేసులు ఉన్నాయి. తాజాగా చిత్తూరు, నెల్లూరు జిల్లాలతో పాటూ మరికొన్ని జిల్లాల్లో నమోదవుతున్న కేసుల్లో ఎక్కువ కోయంబేడు మార్కెట్ లింకులు ఉన్నట్లు తెలుస్తోంది. కొత్తగా నమోదైన 66 కేసుల్లో 17 మంది విదేశాల నుంచి వచ్చిన వారు ఉన్నారు. కువైట్ నుంచి వచ్చిన వారిలో 12 మందికి, దుబాయ్ నుంచి వచ్చిన వారిలో ముగ్గురికి, ఖతార్ నుంచి వచ్చిన వారిలో ఇద్దరికి కరోనా వైరస్ నిర్ధారణ అయింది.

Also Read: అమ్మకానికి తిరుమల శ్రీవారి ఆస్తులు.. విపక్షాలు ఫైరవుతున్న వేళ క్లారిటీ ఇచ్చిన టీటీడీ



Source link

Leave a Reply

Your email address will not be published. Required fields are marked *