ap corona tests: ఆంధ్రప్రదేశ్ మరో ఘనత.. దేశంలోనే నంబర్ 1 రాష్ట్రంగా.. – andhra pradesh another record: conducted above 4 lakh coronavirus tests


కరోనా వైద్య పరీక్షల్లో ఆంధ్రప్రదేశ్‌ మరో కీలక మైలురాయిని అందుకుంది. బుధవారం నాటికి 4 లక్షల కరోనా పరీక్షలు చేసిన రాష్ట్రంగా ఆంధ్రప్రదేశ్‌ రికార్డు సృష్టించింది. గడిచిన 24 గంటల్లో 8,066 మందికి కోవిడ్‌ పరీక్షలు నిర్వహించడంతో బుధవారం నాటికి రాష్ట్రవ్యాప్తంగా చేసిన టెస్టులు 4,03,747కి చేరుకున్నాయి. ఇప్పటి వరకు 4 లక్షల కరోనా టెస్టులు చేసిన రాష్ట్రాలు మూడు (రాజస్థాన్, తమిళనాడు, మహారాష్ట్ర) మాత్రమే ముందున్నాయి. అయితే ఆయా రాష్ట్రాల జనాభాతో పోల్చుకుంటే ఏపీలో జనాభా చాలా తక్కువ. దీంతో ప్రతి మిలియన్ మందికి చేసే కరోనా టెస్టుల్లో ఆంధ్రప్రదేశ్‌ దేశంలోనే నంబర్‌ వన్‌గా నిలిచింది. ప్రతి 10 లక్షల జనాభాకు రాష్ట్రంలో సగటున 7,419 మందికి వైద్య పరీక్షలు చేస్తున్నారు.

మరోవైపు రికవరీ రేటులో సైతం ఆంధ్రప్రదేశ్‌ మొదటి స్థానంలో ఉంది. దేశవ్యాప్తంగా కరోనా నుంచి కోలుకుంటున్న వారి శాతంతో పోల్చితే రాష్ట్రంలో ఆ సంఖ్య చాలా ఎక్కువ. రాష్ట్రంలో రికవరీ రేటు 64 శాతం ఉండగా.. దేశ వ్యాప్తంగా చూస్తే 48.51 శాతంగా నమోదైంది.

ఇదిలా ఉంటే.. ఆంధ్రప్రదేశ్‌ మాదిరిగా ట్రూనాట్ మెషీన్లు ఉపయోగించాలని కేంద్ర ప్రభుత్వం అన్ని రాష్ట్రాలకు ఆదేశాలు జారీ చేసింది. ఏపీ తరహాలో టెలి మెడిసిన్‌ను విస్తృతంగా అందుబాటులోకి తేవాలని ఇతర రాష్ట్రాలను ఆదేశించింది. ఆంధ్రప్రదేశ్‌లో ఇన్ఫెక్షన్‌ రేటు కూడా అత్యల్పంగా ఉంది. రాష్ట్రంలో సగటున 0.96 శాతం ఉండగా, దేశీయ సగటు 4.96 శాతంగా ఉంది.



Source link

Leave a Reply

Your email address will not be published. Required fields are marked *