ap coronavirus: చిత్తూరు: మంటగలిసిన మానవత్వం.. కరోనా భయంతో పొలాల్లోనే మృతదేహం – villagers not allowed to do funeral to dead body due to coronavirus fear in chittoor district


చిత్తూరు జిల్లాలో మానవత్వం మంటగలిసింది. కరోనా భయంతో అనారోగ్య కారణాలతో చనిపోయిన వ్యక్తికి అంత్యక్రియలు నిర్వహించేందుకు స్థానికులు నిరాకరించారు. దీంతో పొలాల్లోనే మృతదేహాన్ని పొలాల్లోనే వదిలేశారు. రామసముద్రానికి చెందిన హరిప్రసాద్ అనే యువకుడు బెంగళూరులో ఉంటున్నాడు. లాక్‌డౌన్ కారణంగా ఉపాధి లేకపోవడంతో.. సొంత ఊరికి కాలినడకన బయల్దేరాడు. మెల్లిగా అలే నడచుకుంటూ రామసముద్రం వచ్చాడు.

బెంగళూరు నుంచి రావడం, అలసిపోవడం, అనారోగ్య కారణాలతో హరిప్రసాద్ చనిపోయాడు. అతడు కరోనా వైరస్ సోకడం వల్లే చనిపోయాడని భయపడిన స్థానికులు అంత్యక్రియలు నిర్వహించేందుకు నిరాకరించారు. అంత్యక్రియలు చేసేందుకు గ్రామస్తులు, బంధువులు ఎవరూ ముందుకు రాలేదు. మృతదేహాన్ని ఊరికి దూరంగా పంటపొలాల్లో వదిలేశారు. విషయం అధికారులకు తెలియడంతో డెడ్‌బాడీకి కరోనా పరీక్షలు చేశారు. గత్యంతరం లేని పరిస్థితుల్లో రిపోర్టులు వచ్చే వరకు అంత్యక్రియలు నిర్వహించలేదు. కరోనా పరీక్షల్లో అతడికి కరోనా లేదని తేలింది. 24 గంటల తర్వాత మృతదేహానికి బంధువులు అంత్యక్రియలు చేశారు.

కర్నూలు జిల్లాలో కూడా ఇలాంటి ఘటన జరిగింది. కరోనాతో మరణించిన వ్యక్తి అంత్యక్రియలను స్థానికులు అడ్డుకున్నారు. ఈ ఘటనపై సీఎం సీరియస్ అయ్యారు. ఇది చాలా దారుణమని.. కరోనా ఎవరికైనా సోకొచ్చని.. అడ్డుకున్న వారికైనా ఇలాంటి పరిస్థితే రావొచ్చని వ్యాఖ్యానించారు. కరోనా సోకిన వారిని అంటరాని వాళ్లుగా చూడటం సరికాదని.. వారిపై సానుభూతి చూపించాల్సింది పోయి వివక్ష చూపడం మంచిది కాదన్నారు.

ఇలాంటి ఘటనలతో తప్పుడు ప్రచారాలను ప్రోత్సహించినట్లు అవుతుందన్నారు జగన్. కేంద్రం జారీచేసిన మార్గదర్శకాల ప్రకారం చట్టప్రకారం చర్యలు తీసుకునే అవకాశం ఉంటుందని గుర్తు చేశారు. అంత్యక్రియలను అడ్డుకున్న వారిపై కేసులు కూడా పెట్టొచ్చని.. ఎవరైనా అలాంటి పనులు చేస్తే సీరియస్‌గా స్పందించాలని డీజీపీ గౌతమ్ సవాంగ్‌కు సూచించారు.



Source link

Leave a Reply

Your email address will not be published. Required fields are marked *