ap coronavirus : తూ.గో: ఆ టీచర్ వల్ల ఐదుగురికి కరోనా.. పాపం మూడేళ్ల చిన్నారికి కూడా వైరస్! – through vizag man transmission five people infected with corona


తూర్పుగోదావరి జిల్లాను కరోనా మహమ్మారి వెంటాడుతోంది. విశాఖ జిల్లాకు చెందిన వ్యక్తికి కత్తిపూడి రాగా.. ఆయనకు పాజిటివ్ తేలింది. దీంతో ముందస్తు జాగ్రత్తగా చుట్టుపక్కల స్థానికులకు మొత్తం 38మందికి పరీక్షలు చేయగా.. మరో ఐదుగురికి వైరస్ ఉన్నట్లు నిర్థారించారు. అతడి వల్ల మొత్తం ఐదుగురు అమాయకులకు ఈ మహమ్మారి అంటుకుంది.. వారందర్ని వెంటనే ఆస్పత్రికి తరలించి వైద్యం అందిస్తున్నారు.


ఆ ఐదుగురిలో అతడి కూతురితో పాటూ.. ఆ పక్క ఇంట్లో ఉండే మూడేళ్ల పాపకు వచ్చింది. చిన్నారి తల్లి, నానమ్మకు కూడా వైరస్‌ ఉన్నట్లు తేలిందట. అలాగే బాధితుడి ఇంటికి వచ్చిన మరో మహిళకు కరోనా పాజిటివ్ ఉన్నట్లు నిర్థారించారు. వీరికి కరోనా వైరస్‌ పాజిటివ్‌ వచ్చినప్పటికీ లక్షణాలు పెద్దగా లేవట. వీరిని రాజమండ్రిలోని జీఎస్‌ఎల్‌ ఆస్పత్రికి తరలించారట. కత్తిపూడి వచ్చిన వ్యక్తిది సొంత జిల్లా విశాఖ కావడంతో విమ్స్‌ ప్రభుత్వ ఆస్పత్రికి తరలించి అక్కడ చికిత్స అందిస్తున్నారు.

మరోవైపు ఆ బాధితుడికి ముందు జ్వరం రావడంతో స్థానికంగా ఉన్న ఆర్‌ఎంపీ దగ్గరకు వెళ్లాడు. తర్వాత జ్వరం ఎక్కువ కావడంతో అనుమానం వచ్చి కాకినాడలోని ప్రైవేట్ ఆస్పత్రికి వెళ్లగా.. అక్కడ కరోనా వైరస్ లక్షణాలు ఉన్నాయని ప్రభుత్వ ఆస్పత్రికి రిఫర్ చేశారు. అక్కడ శాంపిల్స్ తీయగా పాజిటివ్ తేలింది. దీంతో కత్తిపూడిలో చికిత్స చేసిన ఆర్‌ఎంపీ వైద్యుడిపై జిల్లా కలెక్టర్‌ చర్యలకు ఆదేశించారు.. ఆస్పత్రిని, మరో ల్యాబ్‌ను సీజ్‌ చేశారు. అక్కడ సిబ్బందిని కూడా క్వారంటైన్‌లో ఉంచారు. వారిపై కేసులు నమోదు చేశారు.





Source link

Leave a Reply

Your email address will not be published. Required fields are marked *