ap coronavirus cases: ఏపీలో మళ్లీ పెరిగిన కరోనా కేసులు.. ఆ 3 జిల్లాల్లో ఆందోళనకరం! – andhra pradesh covid 19 cases rises for 3,746 and death toll reported for 27 on 21, october monday


ఆంధ్రప్రదేశ్‌లో కరోనా వైరస్ కేసులు మళ్లీ పెరుగుతున్నాయి. గత మూడు రోజులుగా కరోనా కేసుల్లో స్వల్పంగా పెరుగుదల నమోదైంది. బుధవారం రాష్ట్ర వైద్య, ఆరోగ్య శాఖ విడుదల చేసిన బులిటెన్‌లో గడిచిన 24 గంటల్లో 74,422 మందికి కరోనా వైరస్ నిర్ధారణ పరీక్షలు నిర్వహించగా 3,746 మందికి పాజిటివ్‌గా నిర్ధారణ అయింది. దీంతో రాష్ట్రవ్యాప్తంగా మొత్తం కరోనా వైరస్ కేసులు 7,93,299కు చేరుకున్నాయి.

అలాగే రాష్ట్రంలో కరోనా వైరస్ మరణాలు స్వల్పంగా తగ్గాయి. బుధవారం కరోనా 27 మంది కరోనా బారినపడి మరణించారు. దీంతో రాష్ట్రవ్యాప్తంగా కరోనా మహమ్మారి వల్ల మృతి చెందిన వారి సంఖ్య 6,508కు చేరుకుంది. కరోనా మహమ్మారి బారిన పడి గడిచిన 24 గంటల్లో కృష్ణా జిల్లాలో ఐదుగురు, అనంతపురంలో ముగ్గురు, చిత్తూరులో ముగ్గురు, తూర్పు గోదావరిలో ముగ్గురు, గుంటూరులో ముగ్గురు, నెల్లూరులో ముగ్గురు, ప్రకాశంలో ముగ్గురు, కడపలో ఒకరు, శ్రీకాకుళంలో ఒకరు, విశాఖపట్నంలో ఒకరు, పశ్చిమ గోదావరిలో ఒకరు మృత్యువాత పడ్డారు.

అలాగే డిశ్చార్జిలు రాష్ట్రంలో భారీగా పడిపోయాయి. బుధవారం 4,739 మంది కరోనా మహమ్మారిని పూర్తిగా జయించి డిశ్చార్జి అయ్యారని వైద్య ఆరోగ్య శాఖ వెల్లడించింది. దీంతో రాష్ట్రవ్యాప్తంగా నమోదైన మొత్తం 7,93,299 పాజిటివ్ కేసులకు గాను.. 7,54,415 మంది డిశ్చార్జి కాగా, ప్రస్తుతం 32,376 మంది వివిధ ఆస్పత్రుల్లో చికిత్స పొందుతున్నారు. ఇక, తూర్పు గోదావరి, పశ్చిమ గోదావరి, కృష్ణా జిల్లాల్లో కరోనా కేసులు భారీగా పెరుగుతున్నాయి.

బుధవారం కరోనా వైరస్ కేసుల వివరాలు



Source link

Leave a Reply

Your email address will not be published. Required fields are marked *