Ap E Pass: ఏపీ సరిహద్దుల్లో గందరగోళం: ఒక్కోచోట ఒక్కోలా తనిఖీలు.. పాస్‌లపై క్లారిటీ! – e pass must for who came to andhra pradesh from other states


ఏపీకి ఇతర రాష్ట్రాల నుంచి వచ్చేవారికి సరిహద్దుల్లో తనిఖీల విషయంలో గందరగోళ పరిస్థితులు కనిపిస్తున్నాయి. సరిహద్దు జిల్లాల్లో ఒక్కోచోట ఒక్కో విధానాన్ని అమలు చేస్తున్నారనే విమర్శలు వినిపిస్తున్నాయి. కొన్నిచోట్ల ఈ-పాస్‌ మాత్రమే పరిశీలించి అనుమతించారు. మరికొన్ని చోట్ల ఈ-పాస్‌తోపాటు వైద్య పరీక్షలు నిర్వహించారు. దీంతో సరిహద్దులో కొన్నిచోట్ల వాహనాలు బారులు తీరడంతో ప్రయాణికులు ఇబ్బందులు పడ్డారు.

ఈ నెల 1 నుంచి అంతర్రాష్ట్ర ప్రయాణాలకు అనుమతులు అవసరం లేదని కేంద్రం క్లారిటీ ఇవ్వడంతో.. పాస్‌లు అవసరం లేదని అందరూ భావించారు. ఇతర రాష్ట్రాల నుంచి ఏపీకి వచ్చే వారు భారీగా సరిహద్దులకు చేరుకున్నారు. రాష్ట్ర ప్రభుత్వం తదుపరి నిర్ణయం తీసుకునేవరకు అంతర్రాష్ట్ర ప్రయాణాలపై షరతులు కొనసాగుతాయని పోలీస్‌శాఖ క్లారిటీ ఇచ్చింది. దీంతో సరిహద్దుల్లోని చెక్‌పోస్టుల్లో ఈ-పాస్‌ తప్పనిసరి చేయడంతోపాటు వైద్య పరీక్షలు నిర్వహించి క్వారంటైన్‌కు పంపారు. దీంతో సొంత రాష్ట్రంలో అడుగుపెడదామని ఆశపడి వచ్చిన వారికి నిరాశ తప్పలేదు.

గుంటూరు జిల్లా దాచేపల్లి మండలం పొందుగల దగ్గర తెలంగాణ వైపు నుంచి వచ్చిన వివరాలు సేకరించారు. వైద్య పరీక్షలు చేసి స్వాబ్‌ తీశారు. హోం క్వారంటైన్‌లో ఉండాలని ముద్ర వేసి పంపారు. నాగార్జునసాగర్‌ సరిహద్దులో ఎవరినీ అనుమతించడం లేదు. కృష్ణా జిల్లా గరికపాడు చెక్‌పోస్ట్‌ వద్ద పోలీసు తనిఖీలతో ఉదయం నుంచి సాయంత్రం వరకు వాహనాలు బారులు తీరాయి. పాస్‌లున్న వాహనాలను మాత్రమే అనుమతించడంతో.. లేకుండా వచ్చిన వారు నిరాశతో వెనుదిరిగారు. ఇక్కడ వైద్య పరీక్షలు నిర్వహించలేదు.

కర్ణాటక, తమిళనాడు వైపు నుంచి చిత్తూరు జిల్లాలోకి వచ్చేవారికి సరిహద్దు చెక్‌పోస్టుల్లో పాస్‌లు పరిశీలించి క్వారంటైన్‌కు పంపారు. కొన్ని చెక్‌పోస్టుల్లో పరీక్షలు నిర్వహించారు. తెలంగాణ వైపు నుంచి వస్తున్నవారిని కర్నూలు జిల్లా పుల్లూరు టోల్‌గేట్‌ వద్ద పోలీసులు తనిఖీలు, థర్మల్ స్క్రీనింగ్ చేశారు. పాస్‌లు ఉన్నవారికే అనుమతి ఇచ్చారు. శ్రీకాకుళం జిల్లాలో చెక్‌పోస్ట్‌ వద్ద ఒడిశా నుంచి వచ్చేవారందరికీ వైద్య పరీక్షలు నిర్వహించారు. ఫలితాలొచ్చే వరకు అక్కడే ప్రత్యేక శిబిరాల్లో ఉంచారు. నెగిటివ్‌ వచ్చినవారిని అనుమతించి.. మిగిలిన వారిని ఆస్పత్రులకు తరలిస్తున్నారు.



Source link

Leave a Reply

Your email address will not be published. Required fields are marked *