ap governor donation : కరోనా కోసం ఏపీ గవర్నర్ విరాళం – ap governor donate one month salary to pm cares fund rs 1 lakh to cm relief fund


కరోనా వైరస్‌ను అరికట్టేందుకు కేంద్ర రాష్ట్ర ప్రభుత్వాలకు పెద్ద ఎత్తున విరాళాలు అందుతున్నాయి. చిన్నారుల నుంచి సెలబ్రిటీల వరకు అంతా విరాళాలు అందిస్తున్నారు. తాజాగా ఆంధ్రప్రదేశ్ రాష్ట్ర గవర్నర్ విశ్వభూషణ్ హరిచందన్ కూడా తన వంతు సాయం ప్రకటించారు. ట్విట్టర్ వేదికగా గవర్నర్ ఈ విషయాన్ని తెలిపారు. కరోనా వైరస్ వ్యాప్తి నిరోధానికి పోరాడుతున్న కేంద్ర ప్రభుత్వం, ఏపీ ప్రభుత్వానికి విరాళాలు ఇవ్వనున్నట్టు గవర్నర్ విశ్వభూషణ్ హరి చందన్ ప్రకటించారు. పీఎం కేర్స్ ఫండ్ కు తన ఒక నెల వేతనాన్ని, సీఎం రిలీఫ్ ఫండ్ కు లక్ష రూపాయలను ఇవ్వనున్నట్టు తెలుపుతూ ఓ ట్వీట్ చేశారు. కరోనా వైరస్ వ్యాప్తి చెందకుండా నిరోధించాలంటే ఇళ్ల నుంచి బయటకు రాకుండా సురక్షితంగా ఉండాలని, సామాజిక దూరం పాటించాలని రాష్ట్ర ప్రజలకు గవర్నర్ సూచించారు.


ఇప్పటికే కరోనా వైరస్ పై పోరాడేందుకు ఏపీ ప్రభుత్వానికి భారీ విరాళాలు ప్రకటించారు. హెరిటేజ్ సంస్థ కోటి రూపాయలు అందించింది. భాష్యం విద్యా సంస్థల అధినేత రూ.50లక్షలు డొనేట్ చేశారు. ఏపీ, తెలంగాణ సీఎంల సహాయనిధికి రూ.25 లక్షల చొప్పున కేటాయించినట్టు తెలిపారు. ఇక ఐఏఎస్‌లు కూడా మేము సైతం అన్నారు. మూడు రోజుల వేతనాన్ని విరాళంగా ప్రకటించారు.

కరోనా కోసం తమ వంతు సాయంగా మూడు రోజుల జీతాన్ని ఇస్తున్నట్టు ఐఏఎస్‌ అధికారుల సంఘం ప్రకటించింది. ఈ మొత్తాన్ని సీఎం సహాయ నిధికి అందిస్తామని ఐఏఎస్‌ అధికారుల సంఘం ప్రధాన కార్యదర్శి ప్రవీణ్‌కుమార్‌ పేర్కొన్నారు.

మరోవైపు సినీ తారలు కూడా విరాళాలు అందిస్తున్నారు. చిరంజీవి, నాగార్జున, ప్రభాస్, దగ్గుబాటి ఫ్యామిలీ ఇలా అందరూ హీరోలు విరాళాలు ప్రకటిస్తున్నారు. మహేష్, ప్రభాస్ భారీ విరాళం ప్రకటించారు. మహేష్ బాబు కరోనా ఫండ్ కోసం నాలుగు కోట్లు అందించారు. ఇక మహేష్ కోటి రూపాయాలు ఇచ్చారు.





Source link

Leave a Reply

Your email address will not be published. Required fields are marked *