ap land auction: ఏపీలో భూముల వేలం, ఎవరైనా కొనొచ్చు.. జగన్ సర్కార్ ప్రకటన – ap government announced that will auction various vacant lands in vizag and guntur


ఆంధ్రప్రదేశ్‌లో వేలంపాట ద్వారా భూముల అమ్మకాల ప్రక్రియను వైసీపీ సర్కార్ మొదలుపెట్టింది. తొలి విడతలో విశాఖపట్నం, గుంటూరు నగరాల్లో 9 చోట్ల భూములు అమ్మాలని నిర్ణయించింది. విశాఖలో 6, గుంటూరులో 3 ప్రాంతాల్లో ఉన్న భూములను వేలం వేయాలని ఏపీ ప్రభుత్వం నిర్ణయించింది. ఈ నెల 29న గుర్తించిన ఈ 9 ప్రాంతాల్లోని భూములను వేలం వేయనున్నట్లు ప్రకటించింది. వేలం వేయాలనుకున్న 9 భూములకు మొత్తం రిజర్వ్ ధరను రూ.208.62 కోట్లుగా ప్రభుత్వం నిర్ణయించింది. ధరావతు కింద 10 శాతం చెల్లించాలని ప్రభుత్వ నిబంధన విధించింది.

గుంటూరు నగరంలోని నల్లపాడు, శ్రీనగర్ కాలనీల్లో రెసిడెన్షియల్ ప్రాంతాల్లో భూములను వేలం వేయాలని ప్రభుత్వం భావిస్తోంది. అలాగే గుంటూరు మెయిన్ జీటీ రోడ్డులోని కమర్షియల్ ప్రాంతాల ప్రభుత్వ భూములను కూడా వేలం వేయనుంది. ఇక విశాఖపట్నంలో చినగదిలిలోని రెసిడెన్షియల్ ప్రాంతంలో, అగనంపూడిలో రిక్రియేషన్ భూములను, ఫకీర్ టకియాలో ఉన్న ఎస్‌ఈజెడ్ భూములను వేలం వేయాలని ప్రభుత్వం నిర్ణయం తీసుకుంది.

భూముల వేలంలో ఎవరైనా పాల్గొనవచ్చని బిల్డ్ ఏపీ మిషన్ డైరెక్టర్ ప్రకటించారు. కాగా, భూములను అమ్మడం ద్వారా వచ్చిన ఆదాయంతో నవరత్నాలు, నాడు- నేడు పథకాలకు నిధులు సమకూర్చుకోవాలని ప్రభుత్వం భావిస్తోంది. రాబోయే రోజుల్లో మరిన్ని భూములను జగన్ సర్కారు వేలం వేయనున్నట్లు తెలుస్తోంది.



Source link

Leave a Reply

Your email address will not be published. Required fields are marked *