ap liquor sales: ఏపీలో రేపట్నుంచే మద్యం అమ్మకాలు.. గుంపులుగా వచ్చారో.. – ap government green signal for liquor selling from 4th may onwards


ఆంధ్రప్రదేశ్ ప్రభుత్వం మందుబాబులకు గుడ్ న్యూస్ చెప్పింది. సోమవారం (మే 4వ తేదీ) నుంచే రాష్ట్రంలో మద్యం షాపులు తెరుచుకోనున్నాయని రాష్ట్ర ప్రభుత్వ ప్రత్యేక ప్రధాన కార్యదర్శి రజత్‌ భార్గవ్‌ వెల్లడించారు. ఈ మేరకు ఆదివారం ఆయన మీడియాతో మాట్లాడుతూ.. ప్రతి రోజూ ఉదయం 11 గంటల నుంచి రాత్రి 7 గంటల వరకు మద్యం అమ్మకాలకు అనుమతించినట్లు వెల్లడించారు.

ఈ మేరకు అన్ని జిల్లాల కలెక్టర్లకు మార్గదర్శకాలను పంపించామని రజత్‌ భార్గవ్‌ పేర్కొన్నారు. మద్యం షాపుల వద్ద గుంపులుగా ఉండటానికి వీల్లేదని, తప్పనిసరిగా భౌతిక దూరం పాటించాలని స్పష్టం చేశారు. ఒక్కో విడతలో కేవలం ఐదుగురినే అనుమతిస్తామని తేల్చిచెప్పారు. మద్యం షాపుల ముందు సర్కిల్‌ కూడా ఏర్పాటు చేస్తామని.. మాస్క్‌ లేనిదే మద్యం దుకాణాల వద్ద వచ్చేందుకు అనుమతి లేదని ఆయన స్పష్టం చేశారు.

Also Read: మందుబాబులకు సీఎం జగన్ ఓ గుడ్ న్యూస్, మరో బ్యాడ్ న్యూస్

మద్యం దుకాణాల వద్ద ఒకవేళ రద్దీ ఎక్కువగా ఉంటే ఆ షాపులను కొంత సమయం మూసేస్తామని రజత్‌ భార్గవ్‌ వెల్లడించారు. కంటైన్మెంట్‌ జోన్ల బయట మాత్రమే మద్యం అమ్మకాలకు అనుమతి ఇచ్చామని పేర్కొన్నారు. అలాగే రాష్ట్రంలో మద్యం ధరలను 25 శాతం మేరకు పెంచినట్లు వెల్లడించారు. అయితే మద్యం అమ్మకాలను తగ్గించేందుకే ధరలు పెంచినట్లు రజత్‌ భార్గవ్‌ పేర్కొన్నారు.



Source link

Leave a Reply

Your email address will not be published. Required fields are marked *