ap power bill news: గుడిసెకు రూ.41 వేల కరెంటు బిల్లు.. అవాక్కైన బాధితులు – poor people getting thousands of power bills in ap amid lockdown


కరోనా మహమ్మారిని తరిమేందుకు అమలు చేస్తున్న లాక్ డౌన్ సమయంలో కరెంటు బిల్లుల వ్యవహారం తలనొప్పిగా మారింది. రాష్ట్రవ్యాప్తంగా కొన్ని చోట్ల బిల్లులు ఎక్కువగా రావడంతో అందరిలో ఆందోళన మొదలైంది. దీన్ని పరిగణనలోకి తీసుకొని అధికారులు స్పష్టత ఇచ్చారు. విద్యుత్ వినియోగించిన దానికంటే ఒక్క యూనిట్‌కి కూడా ఎక్కువ బిల్లు వేయలేదని చెబుతున్నారు. అయితే, చిత్తూరు జిల్లాలో ఉంటున్న ఒక మహిళకు వచ్చిన కరెంటు బిల్లు విస్మయం గొలిపేలా ఉంది.

చిత్తూరు జిల్లా బైరెడ్డిపల్లి మండలం దేవదొడ్డి గ్రామంలో బీడీలు చేసుకుంటూ ఛాన్వి అనే మహిళ కుటుంబాన్ని పోషించుకుంటోంది. ఆమెకు రూ.41 వేల కరెంటు బిల్లు రావడం కలకలం రేపుతోంది. ఆ బిల్లును చూసి ఆ మహిళ ఒక్కసారిగా అవాక్కయింది. ఛాన్వి అనే మహిళ ఇంటికి రూ.41,149 కరెంటు బిల్లు రావడంతో ఆమె భయపడిపోయింది. రెండు లైట్లు, రెండు ఫ్యాన్లు, టీవీ ఉన్న ఇంటికి ఇంత పెద్ద మొత్తంలో కరెంటు బిల్లు రావడం ఏంటని వారు ఆశ్చర్యపోతున్నారు.

పెద్ద బంగళాకు రావాల్సిన బిల్లు తనకు రావడంతో బాధితురాలు లబోదిబోమన్నది. కూలి పని చేసుకొని కుటుంబాన్ని పోషించుకొనే తనకు ఇంత కరెంటు బిల్లు రావడం ఏంటని ఆవేదనను వ్యక్తం చేసింది. లాక్ డౌన్ కారణంగా రెండు నెల కరెంటు బిల్లు ఒకటే సారి రూ.41 వేలకు పైగా కరెంటు బిల్లు రావడంపై అనుమానాలు వ్యక్తమవుతున్నాయి.

Also Read:

రోజా ఇంటికి కేసీఆర్.. కోడికూర తిని ఆ హామీ.. రేవంత్ సంచలన ఆరోపణలు

మరో రెండు చోట్ల కూడా..
తిరుపతి ఏపీఎస్పీడీసీఎల్‌ పరిధిలోని ఐదు జిల్లాల్లోనూ ఇదే పరిస్థితి నెలకొంది. చిత్తూరు జిల్లా శ్రీకాళహస్తిలో సమీపంలోని ఓ గ్రామంలో పూరి గుడిసెలో ఉండే ఓ కుటుంబానికి రూ.17 వేలు, మరో కాలనీలో రేకుల షెడ్డులో ఉంటున్న కుటుంబానికి రూ.28 వేల బిల్లు వచ్చింది. దీంతో వారు తలలు పట్టుకున్నారు. ఇన్నేళ్లుగా వేసవిలోనూ వందల్లోనే బిల్లులు వచ్చేవని వారు చెబుతున్నారు. విద్యుత్తు అధికారులు మాత్రం మీటర్‌ రీడింగ్‌ సేకరణ, బిల్లుల తయారీలో ఎలాంటి లోపాలు లేవని, వినియోగించిన దానికే ఛార్జీలు వసూలు చేస్తున్నట్లు తెలిపారు.

Also Read:

బంగాళాఖాతంలో అలజడి.. మే 16 నాటికి తుపాను!: వాతారవణ శాఖ షాకింగ్ విషయాలు



Source link

Leave a Reply

Your email address will not be published. Required fields are marked *