ap quarantine app : ఏపీలో క్వారంటైన్‌ నుంచి పారిపోవాలనుకున్న ఇద్దరిపై కేసు.. 2,896 మంది సైతం..! – ap police developed quarantine app and filed a case against violators


రాష్ట్రంలో క్వారంటైన్‌ నుంచి తప్పించుకునేందుకు ప్రయత్నించిన ఇద్దరిపై కేసులు నమోదయ్యాయి. ఈ మేరకు ఓ టీవీ చానెల్‌కు ఇచ్చిన ఇంటర్య్వూలో డీఐజీ రాజశేఖర్‌ బాబు మాట్లాడుతూ.. కరోనా వైరస్ వ్యాప్తిని కట్టడి చేసేందుకు దేశంలో ఎక్కడా లేని విధంగా సాంకేతికతను ఉపయోగించి రాష్ట్ర పోలీసు శాఖ హౌస్‌ క్వారంటైన్‌ యాప్‌ను రూపొందించిందని పేర్కొన్నారు. హౌస్‌ క్వారంటైన్‌ యాప్‌ ద్వారా కరోనా లక్షణాలతో ఉన్నవారిని ఆన్‌లైన్‌ రిజిస్టర్‌ ద్వారా అనుసంధానిస్తున్నట్లు వివరించారు. దీనికి జియో ఫెన్సింగ్‌ టెక్నాలజీతో ఎప్పటికప్పుడు నిరంతర పర్యవేక్షణ కొనసాగుతుందన్నారు.


ఒకవేళ ఎవరైన క్వారంటైన్‌ నుంచి బయటికి వెళ్లాలని చూస్తే యాప్‌ ద్వారా తక్షణమే కమాండ్‌ కంట్రోల్‌ సెంటర్‌కు సంకేతాలు వెలువడుతాయన్నారు. ఇప్పటివరకు విదేశాల నుంచి వచ్చిన 20,625 మందిని ఈ యాప్‌కు అనుసంధానించామన్నారు. వీరిలో 11,234 మందికి 28 రోజుల హౌస్‌ క్వారెంటైన్‌ పూర్తయిందన్నారు. అయితే గత 17 రోజుల్లో 2,896 మంది హౌస్‌ క్వారంటైన్‌ నిబంధన ఉల్లఘించారని వెల్లడించారు. వీరు మరోసారి తప్పుచేస్తే 188 సెక్షన్‌ కింద కేసులు నమోదు చేస్తామని హెచ్చరించారు.

అలాగే ఇప్పటికే క్వారంటైన్ నిబంధనలు ఉల్లంఘించిన ఇద్దరిపై కేసులు నమోదు చేసినట్లు డీజీపీ రాజశేఖర్ వెల్లడించారు. ఢిల్లీ ప్రార్థనలకు వెళ్లివచ్చి క్వారంటైన్‌లో ఉన్న మిగతావారిని కూడా ఈ యాప్‌ కిందకి తీసుకొస్తున్నట్లు చెప్పారు. హౌస్ క్వారంటైన్ యాప్‌పై 24 గంటల పర్యవేక్షణ ఉంటుందన్నారు. క్వారంటైన్ నుంచి బయటకు వచ్చిన వ్యక్తులు ఎవరితోనైనా కాంటాక్ట్ అయితే వారిని కూడా ఐసొలేషన్‌లో ఉంచుతామని రాజశేఖర్‌ తెలిపారు.





Source link

Leave a Reply

Your email address will not be published. Required fields are marked *