ap railway stations: ఏపీలో ఆంక్షలు లేని రైలు ప్రయాణం.. జగన్ సర్కార్ కీలక నిర్ణయం – ap government take decision on railway journey


ఆంధ్రప్రదేశ్ రాష్ట్ర ప్రభుత్వం ప్రయాణాలకు సంబంధించి మరో కీలక నిర్ణయం తీసుకుంది. రాష్ట్రంలో అంతర్గత రైలు ప్రయాణాలపై ఆంక్షలను తొల‌గించినట్లు ప్రభుత్వం ప్రకటించింది. రాష్ట్రం లోపల ఎలాంటి ఆంక్షలు లేకుండా రైలు ప్రయాణం చేయవచ్చని వెల్లడించింది. రైలు ఆగే స్టేష‌న్ వ‌ర‌కు మాత్రమే ప్యాసింజ‌ర్లకు టికెట్లు జారీ చేయాల్సి ఉంటుందని ఏపీ సర్కారు పేర్కొంది. జూన్ 4 నుంచి నడిచే ప్రత్యేక రైళ్ల స్టాపుల‌ను త‌గ్గిస్తున్నట్లు ప్రభుత్వం వెల్లడించింది.

కాగా, ఏపీకి ఇతర రాష్ట్రాల నుంచి వచ్చేవారికి సరిహద్దుల్లో తనిఖీల విషయంలో గందరగోళ పరిస్థితులు కనిపిస్తున్నాయి. సరిహద్దు జిల్లాల్లో ఒక్కోచోట ఒక్కో విధానాన్ని అమలు చేస్తున్నారనే విమర్శలు వినిపిస్తున్నాయి. కొన్నిచోట్ల ఈ-పాస్‌ మాత్రమే పరిశీలించి అనుమతించారు. మరికొన్ని చోట్ల ఈ-పాస్‌తోపాటు వైద్య పరీక్షలు నిర్వహించారు. దీంతో సరిహద్దులో కొన్నిచోట్ల వాహనాలు బారులు తీరడంతో ప్రయాణికులు ఇబ్బందులు పడ్డారు.

ఇతర రాష్ట్రాల నుంచి ఏపీకి వచ్చే వారికి ఇబ్బందులు తలెత్తుతున్నా.. రాష్ట్రంలో ఉన్న వారికి మాత్రం ఏపీ సర్కార్ అనేక మినహాయింపులు ఇచ్చింది. ఇప్పటికే ఆర్టీసీ బస్సులు, ఇతర రవాణా వాహనాలు ప్రారంభమయ్యాయి. ఇందులో భాగంగానే రాష్ట్రం లోపల రైళ్ల ప్రయాణికులకు ఆంక్షలు లేవని స్పష్టం చేసింది.



Source link

Leave a Reply

Your email address will not be published. Required fields are marked *