ap telangana check post: సరిహద్దుల్లో చెక్‌ పోస్ట్‌ల ఎత్తివేత వార్తలు అవాస్తవం.. జగన్ సర్కార్ క్లారిటీ – ap principal secretary krishna babu says that check points remove is false news


రాష్ట్ర సరిహద్దు చెక్‌ పోస్టులను సోమవారం నుంచి ఎత్తివేస్తున్నట్లు వస్తున్న వార్తలు అవాస్తవమని ఆంధ్రప్రదేశ్‌ రవాణా శాఖ ముఖ్య కార్యదర్శి, కోవిడ్‍ టాస్క్‌ఫోర్స్ చైర్మన్‍ కృష్ణబాబు స్పష్టం చేశారు. కోవిడ్ 19 మార్గదర్శకాల ప్రకారం సరిహద్దు చెక్‌ పోస్టులన్నీ లాక్‌డౌన్‌ ముగిసే వరకూ కొనసాగుతాయని వెల్లడించారు. పలు టీవీ చానల్స్‌లో చెక్‌పోస్ట్‌లు ఎత్తివేస్తున్నట్లు వస్తున్న వార్తలను ఆయన తోసిపుచ్చారు.

అయితే ఆంధ్రప్రదేశ్‌కు వచ్చే వారంతా కచ్చితంగా ‘స్పందన’ వెబ్‌సైట్‌లో నమోదు చేసుకోవాల్సిందేనని కృష్ణబాబు తెలిపారు. ఇందుకు తగ్గట్లుగా ప్రయాణాలు నిర్వహించుకోవాలని సూచించారు. ఇక కరోనా ప్రభావం ఎక్కువగా ఉన్న ఆరు రాష్ట్రాల (మహారాష్ట్ర, గుజరాత్, ఢిల్లీ, తమిళనాడు, మధ్యప్రదేశ్, రాజస్థాన్) నుంచి వచ్చే వ్యక్తులు తప్పనిసరిగా 7 రోజుల పాటు ప్రభుత్వ క్వారంటైన్‌లో ఉండాలని కృష్ణబాబు పేర్కొన్నారు. అలాగే తెలంగాణకు ఆర్టీసీ బస్సు సర్వీసులు నడిపేందుకు సిద్ధంగా ఉన్నామని, అయితే ఆ రాష్ట్ర ప్రభుత్వం నుంచి అనుమతి వచ్చాక బస్సులు నడుపుతామని తెలిపారు.

కాగా, లాక్‌డౌన్‌ నిబంధనల సడలింపు నేపథ్యంలో ఈ నెల 8వ తేదీ (సోమవారం) నుంచి అంతర్రాష్ట్ర బస్సు సర్వీసులు తిప్పడానికి ఏపీఎస్‌ ఆర్టీసీ సిద్ధమవుతోంది. బస్సులు తిప్పడానికి అనుమతించాలని ఆంధ్రప్రదేశ్‌ రాష్ట్ర ప్రభుత్వం పొరుగు రాష్ట్రాలను కోరింది. ఈ విషయంలో తమిళనాడు మినహా తెలంగాణ, కర్ణాటక, ఒడిశా ప్రభుత్వాలకు రాష్ట్ర ప్రభుత్వ ప్రధాన కార్యదర్శి నీలం సాహ్ని లేఖ రాశారు.



Source link

Leave a Reply

Your email address will not be published. Required fields are marked *