ap telangana water dispute: ఆ ప్రాజెక్టులను కొత్త వాటిగా పరిగణించొద్దు.. గోదావరి బోర్టుతో తెలంగాణ – kaleshwaram, tummidihatti are not new projects, telangana clears before godavari board


గోదావరి నదిపై తెలంగాణ కొత్త ప్రాజెక్టులు చేపట్టిందంటూ ఆంధ్రప్రదేశ్‌ ప్రభుత్వం ఫిర్యాదు చేసిన వేళ హైదరాబాద్‌ జలసౌధలో గోదావరి నదీ యాజమాన్య బోర్డు సమావేశం జరిగింది. ఇరు రాష్ర్టాల తరపున ఆయా ఉన్నతాధికారులు, ఇంజినీర్లు తమ వాదనలు వినిపించారు. తెలంగాణ తరపున నీటిపారుదలశాఖ ముఖ్యకార్యదర్శి రజత్‌ కుమార్‌ బోర్డు ఎదుట వాదనలు వినిపించారు.

గోదావరిపై తెలంగాణ ఒక్క కొత్త ప్రాజెక్టు లేదని వెల్లడించామని, కాళేశ్వరం, తుమ్మిడిహట్టి ప్రాజెక్టులను కొత్త ప్రాజెక్టులుగా పరిగణించకూడదని బోర్డును కోరినట్లు చెప్పారు. తెలంగాణకు రావాల్సిన నీటి వాటా ప్రకారమే ఎత్తిపోతల నిర్మాణాలు చేపట్టినట్లుగా వెల్లడించారు. ఏపీ ప్రభుత్వం చేపట్టిన పోలవరం, పట్టిసీమ ప్రాజెక్టుల గురించి బోర్డు దృష్టికి తీసుకువచ్చామని అన్నారు.

పోలవరం నుంచి పట్టిసీమకు 80 టీఎంసీల నీటిని తరలిస్తున్నారని గుర్తు చేశారు. గోదావరి బేసిన్‌లో తమకు 967 టీఎంసీల వాటా ఉందని చెప్పారు. గోదావరి బేసిన్‌లో టెలిమెట్రీ ఏర్పాటుపై కమిటీ ఏర్పాటు చేయాలని బోర్డును కోరినట్లుగా రజత్ కుమార్ వెల్లడించారు. ప్రస్తుతం కొనసాగుతున్న అన్ని ప్రాజెక్టులకు అనుమతులు ఉన్నాయని చెప్పారు.

ఏపీ అభ్యంతరాలివీ..
గోదావరి నదిపై తెలంగాణ ప్రభుత్వం నిర్మిస్తున్న కాళేశ్వరం, సీతారామ, తుపాకుల గూడెం, లోయర్‌ పెన్‌గంగ ప్రాజెక్టులతోపాటు రామప్ప నుంచి పాకాల వరకు నీటి తరలింపు విషయంపై ఏపీ ప్రభుత్వం అభ్యంతరం వ్యక్తం చేసింది.



Source link

Leave a Reply

Your email address will not be published. Required fields are marked *