ap vehicle tax: ఏపీలో వాహనదారులకు జగన్ సర్కార్ స్వల్ప ఊరట – andhra pradesh government extends date to pay vehicle tax


ఏపీలో వాహనదారులకు ప్రభుత్వం స్వల్ప ఊరట కల్పించింది. మోటార్ వెహికల్ ట్యాక్స్ గడువును చెల్లించేందుకు గ్రేస్ పిరియడ్‌ను పొడిగిస్తూ నిర్ణయం తీసుకుంది. ట్యాక్స్ చెల్లింపు గడువును జూన్ 30 వరకు పొడిగిచింది. ఈ మేరకు ప్రభుత్వం తరుఫున ప్రిన్సిపల్ సెక్రటరీ కృష్ణబాబు ఉత్తర్వులు జారీ చేశారు. ఏప్రిల్‌ 30తో ట్యాక్స్ చెల్లింపునకు గడువు పూర్తి అవుతుంది.. మళ్లీ ఆ గడువును పెంచారు. వెహికల్ ట్యాక్స్ అడ్వాన్స్‌గా చెల్లిస్తుంటారు.. ప్రతి త్రైమాసికానికి ఈ చెల్లింపులు చేయాలి. సకాలంలో వెహికల్ ట్యాక్స్ చెల్లించని పక్షంలో జరిమానా విధిస్తారు. అదికూడా 50 శాతం నుంచి 200 శాతం వరకు ఉంటాయి.

లాక్‌డౌన్ ఇబ్బందుల్ని దృష్టిలో పెట్టుకుని ఈ నిర్ణయం తీసుకున్నట్లు తెలుస్తోంది. దేశవ్యాప్తంగా వాహనాలు, ముఖ్యంగా లారీలు ఎక్కడికక్కడే నిలిచిపోయాయి. అన్ని రంగాలపై ఈ ప్రభావం పడింది. ఇలాంటి సమయంలో ట్యాక్స్ చెల్లింపులు ఆర్థికంగా ఇబ్బందులు ఎదురవుతున్న పరిస్థితి. దీంతో ట్యాక్స్ చెల్లింపుల విషయంలో వెసులుబాటు కల్పించాలని లారీ ఓనర్స్ అసోసియేషన్ కూడా కోరింది. లాక్‌డౌన్ పరిస్థితులను, వారి విన్నపాన్ని పరిగణలోకి తీసుకున్న ప్రభుత్వం గడువు పెంచుతూ నిర్ణయం తీసుకుంది.. వాహనదారులకు స్వల్ప ఊరట కల్పించింది.



Source link

Leave a Reply

Your email address will not be published. Required fields are marked *