APSRTC: తెలంగాణ నుంచి ఆంధ్రా వచ్చే వారికి శుభవార్త: ఆర్టీసీ కీలక నిర్ణయం.. అక్కడ రెడీగా బస్సులు! – minister perni nani says that apsrtc decides that running buses from ap, telangana border


ఆంధ్రప్రదేశ్, తెలంగాణ రాష్ట్రాల సరిహద్దుల వద్ద ఏపీఎస్‌ ఆర్టీసీ బస్సులు అందుబాటులో ఉంచామని రాష్ట్ర సమాచార, రవాణా శాఖ మంత్రి పేర్ని వెంకట్రామయ్య (నాని) వెల్లడించారు. ఈ మేరకు ఆయన మీడియాతో మాట్లాడుతూ.. దసరా పండుగను పురస్కరించుకుని సరిహద్దు చెక్‌పోస్టుల వద్ద ఆర్టీసీ సేవలందిస్తుందని చెప్పారు. పంచలింగాల, గరికపాడు, వాడపల్లి, పైలాన్, జీలుగుమిల్లి, కల్లుగూడెం చెక్‌పోస్టుల వద్ద ఆంధ్రప్రదేశ్ బస్సులు అందుబాటులో ఉంటాయన్నారు. అలాగే కర్నూలు, గుంటూరు, కృష్ణా, ఒంగోలు, తూర్పుగోదావరి, విశాఖ రీజియన్లకు సరిహద్దు చెక్‌పోస్టుల వద్ద ప్రత్యేకాధికారులను కూడా నియమించినట్లు వెల్లడించారు. కాబట్టి, తెలంగాణ, హైదరాబాద్ నుంచి వచ్చే వారు సరిహద్దుల వరకు వస్తే.. అక్కడి నుంచి ఏపీ బస్సుల్లో తమ సొంత ఊర్లకు వెళ్లవచ్చు.

అలాగే జూన్‌ 18వ తేదీ నుంచి తెలంగాణ ఆర్టీసీ అధికారులతో చర్చలు జరుపుతూనే ఉన్నామని, 1.61 లక్షల కిలో మీటర్లకే పరిమితం అవుతూ వారి డిమాండ్లకు అనుకూలంగానే ప్రతిపాదనలు పంపామని మంత్రి నాని తెలిపారు. రూట్ల వారీగా కూడా స్పష్టత ఇచ్చామని చెప్పారు. ఏపీఎస్‌ ఆర్టీసీ లాభనష్టాలు చూడడం లేదని, ప్రజలు ఇబ్బంది పడకూడదనేదే తమ అభిమతమన్నారు.

కేంద్ర ప్రభుత్వం గతేడాది మోటారు వాహన చట్టంలో 31 సెక్షన్లను సవరిస్తూ పార్లమెంట్‌లో తీర్మానం చేసిందని, ఇందులో 20 సెక్షన్లను ఏ రాష్ట్రం కూడా మార్పు చేయలేని పరిస్థితి నెలకొందన్నారు. అందువల్లే నిర్లక్ష్యంగా వాహనాలు నడిపే వారిపై కఠిన చర్యలు తీసుకోవాలని నిర్ణయించినట్లు వెల్లడించారు. దీన్ని వాహనదారులు సామాజిక బాధ్యతగా భావించాలన్నారు. ఫైన్ల పెంపుపై ప్రతిపక్షాలు, ప్రధానంగా టీడీపీ రాద్ధాంతం చేస్తోందని, ప్రభుత్వంపై సోషల్‌ మీడియాలో అసత్యాలు ప్రచారం చేస్తున్నారని ఆగ్రహం వ్యక్తం చేశారు.



Source link

Leave a Reply

Your email address will not be published. Required fields are marked *