Apsrtc Bus Booking : ఏపీలో టికెట్ రిజర్వేషన్లు ఆపేసిన ఆర్టీసీ.. ఆ డబ్బు రీఫండ్! – apsrtc stops bus reservation to hyderabad and telangana area services


ఏపీఎస్ ఆర్టీసీ కీలక నిర్ణయం తీసుకుంది. హైదరాబాద్‌‌తో పాటూ తెలంగాణకు వెళ్లే బస్సులకు అడ్వాన్స్‌డ్‌ టికెట్ రిజర్వేషన్‌ ప్రక్రియను నిలిపివేయాలని నిర్ణయించింది. తమ రాష్ట్రంలో లాక్‌ డౌన్‌ కొనసాగుతుందని సీఎం కేసీఆర్‌ సంకేతాలివ్వడంతో అధికారులు ఈ నిర్ణయం తీసుకున్నారు. తెలంగాణలో లాక్‌ డౌన్‌ కొనసాగితే ఇప్పటికే రిజర్వేషన్‌ చేసుకున్న వారికి పూర్తి సొమ్ము రీఫండ్ చేస్తామని ఆర్టీసీ అధికారులు క్లారిటీ ఇచ్చారు.


ప్రభుత్వం రిజర్వేషన్లు ప్రారంభించి.. గత నాలుగు రోజులుగా ఆన్‌లైన్‌ రిజర్వేషన్‌ టిక్కెట్లను వెబ్‌సైట్‌లో ఉంచారు. 15 నుంచి 20 వరకు ఆర్టీసీ టిక్కెట్ల రిజర్వేషన్‌ను అధికారులు నాలుగు రోజుల క్రితం అందుబాటులోకి తెచ్చారు. ఆరు రోజులకు వివిధ ప్రాంతాలకు కలిపి 42,377 టిక్కెట్లు ఇప్పటికే బుక్‌ అయ్యాయి. అయితే లాక్‌డౌన్ కొనసాగితే ఈ డబ్బును రీఫండ్ చేస్తామని అధికారులు చెబుతున్నారు.

ఈ నెల 14తో లాక్‌డౌన్‌ ముగిస్తుందని.. తర్వాత బస్సు సర్వీసులను పునరుద్ధరించేందుకు ఏపీఎస్‌ఆర్టీసీ సిద్ధమైంది. అందుకే ఆన్‌లైన్‌ రిజర్వేషన్లను ప్రారంభించింది. బస్సుల విషయంలోనూ జాగ్రత్తలు పాటించాలని నిర్ణయించారు. దూర ప్రాంతాలకు వెళ్లే ఏసీ బస్సులను నడపకూడదని నిర్ణయించారు. ప్రస్తుతానికి సూపర్‌ లగ్జరీ, అల్ట్రా డీలక్స్‌ బస్సులకు రిజర్వేషన్లు మాత్రమే ప్రారంభించారు. ఆర్టీసీ బస్సుల్లో కూడా ఏసీ సర్వీసులను తగ్గించి 90% నాన్‌ ఏసీ సూపర్‌ లగ్జరీ బస్సులను అందుబాటులోకి తీసుకొచ్చారు. వివిధ ప్రాంతాల నుంచి విజయవాడ మీదుగా వెళ్లేవి మాత్రం ఏసీ సర్వీసులను నడపనున్నారు. కరోనా వైరస్‌ ఏసీలో త్వరగా వ్యాప్తి చెందే అవకాశం ఉన్నందున ఈ నిర్ణయం తీసుకున్నారు. రాష్ట్రవ్యాప్తంగా కరోనా ప్రభావం తగ్గిన తర్వాత దశలవారీగా ఏసీ బస్సులను నడపాలని నిర్ణయించారు.





Source link

Leave a Reply

Your email address will not be published. Required fields are marked *