APSRTC buses: ఏపీఎస్ ఆర్టీసీ కీలక నిర్ణయం.. ఆ సర్వీసులకు గ్రీన్ సిగ్నల్! – apsrtc decided to run ac bus services also


ఏపీఎస్ ఆర్టీసీ కీలక నిర్ణయం తీసుకుంది. ఏసీ బస్సు సర్వీసుల్ని ప్రారంభించాలని నిర్ణయించింది. ఇప్పటికే విజయవాడ నుంచి విశాఖపట్నానికి ఇంద్ర ఏసీ బస్సు సర్వీసును ప్రారంభించగా.. ప్రయాణికుల నుంచి డిమాండ్‌ పెరగడంతో మరిన్ని ఏసీ సర్వీసులు నడపాలని భావిస్తోంది. ఏసీ బస్సుల్ని విశాఖ సహా తిరుపతి, కడప, కర్నూలు ప్రాంతాలకు నడపాలని నిర్ణయించింది. అలాగే బస్సు సర్వీసులను కూడా మెల్లిగా పెంచుతోంది. పల్లె వెలుగు బస్సులకు ఆదరణ లేకపోయినా దూర ప్రాంత బస్సులకు మాత్రం డిమాండ్‌ పెరిగింది. ఎక్కువమంది ప్రయాణికులు ఉన్న రూట్లలో సర్వీసుల్ని పెంచారు.

ఏసీ బస్సుల్లో దుప్పట్లు ప్రయాణికులే తెచ్చుకోవాలి.. అటెండరు కూడా ఉండరు. బస్సుల్లో ఏసీని కూడా లిమిట్‌లో ఉంచనున్నారు. 100 శాతం నగదు రహిత లావాదేవీలు.. ఆన్‌లైన్‌ ప్యాసింజర్‌ రిజర్వేషన్‌ విధానం (ఓపీఆర్‌ఎస్‌)లో టిక్కెట్లను జారీ చేస్తారు. బస్టాండ్లలో కరెంట్‌ బుకింగ్‌ అవకాశం కల్పించనున్నారు. డిమాండ్‌ను బట్టి ఆయా రూట్లలో బస్సుల్ని నడపనున్నారు.

ఆర్టీసీ బస్సు సర్వీసులకు అనుమతిచ్చాక ఉదయం ఆరు నుంచి రాత్రి ఏడు గంటల వరకు బస్సు సర్వీసులు నడిచేవి. తాజాగా ఉదయం ఐదు నుంచి రాత్రి తొమ్మిది గంటల వరకు బస్సులను నడుపుతున్నారు. పల్లెవెలుగు బస్సుల వైపు ప్రయాణికులు మొగ్గు చూపడం లేదు. ఇప్పటికే సగం సీట్లను కుదించినా వీటిలోనూ సగం మంది కూడా ప్రయాణించడం లేదు. కానీ తప్పనిసరి పరిస్థితుల్లో కొన్ని పల్లెవెలుగు సర్వీసులను నడుపుతున్నారు. అసలు ఆదరణ లేని మార్గాల్లో సర్వీసుల్ని రద్దు చేస్తున్నారు.



Source link

Leave a Reply

Your email address will not be published. Required fields are marked *