APSRTC buses: ఏపీలో ఆర్టీసీ బస్సులు నడపటంపై మంత్రి క్లారిటీ.. ఏమన్నారంటే! – ap minister perni nani gives clarity on rtc bus services


ఏపీలో ఆర్టీసీ బస్సు సర్వీసులు నడపటంపై క్లారిటీ ఇచ్చారు రవాణాశాఖ మంత్రి పేర్ని నాని. ప్రజా రవాణాపై ముఖ్యమంత్రి వైఎస్‌ జగన్‌మోహన్‌రెడ్డి నిర్ణయం తీసుకుంటారని.. ప్రభుత్వం నుంచి ఆదేశాలు రాగానే కేంద్రం ప్రకటించిన మార్గదర్శకాలకు అనుగుణంగా బస్సు సర్వీసులను పునఃప్రారంభించేందుకు సిద్ధమన్నారు. బస్సులు నడిపేందుకు ఆర్టీసీ అన్ని ఏర్పాట్లు చేసిందని.. గ్రీన్ సిగ్నల్ రాగానే 24 గంటల్లో సర్వీసులు నడుపుతామన్నారు.

రాష్ట్రాల మధ్య, రాష్ట్రం లోపల బస్సులు నడిపేందుకు అన్ని జాగ్రత్తలతో ఏర్పాట్లు చేశామని మంత్రి చెప్పారు. లాక్‌డౌన్‌ అమల్లో ఉంది కాబట్టి కేంద్ర నిబంధనలు, జోన్లలో పరిస్థితులకు అనుగుణంగా బస్సులు నడుపుతామంటున్నారు. బస్సుల్లో కూడా సోషల్ భౌతిక దూరం పాటిస్తూ సీటింగ్‌ మార్పులు చేశామన్నారు. పల్లెవెలుగు బస్సుల్లో మార్కింగ్ సిస్టం అమలు చేస్తున్నామన్నారు. అలాగే కరోనా వ్యాప్తి చెందకుండా తగిన జాగ్రత్తలు తీసుకుంటామన్నారు.

మరోవైపు ఆర్టీసీలో ఒక్క ఔట్‌ సోర్సింగ్‌ ఉద్యోగిని కూడా తొలగించలేదని మంత్రి క్లారిటీ ఇచ్చారు. ఔట్ సోర్సింగ్ సిబ్బంది విషయంలో తప్పుడు ప్రచారం చేస్తున్నారని.. వారికి కరోనా ఇన్సూరెన్స్ లేనందునే కొన్ని రోజులు విధులకు దూరంగా ఉంచామని చెప్పుకొచ్చారు. ఉద్యోగుల్ని ఎక్కడా తొలగించలేదని.. తొలగించినట్లు ఆధారాలు ఉంటే చూపించాలన్నారు.



Source link

Leave a Reply

Your email address will not be published. Required fields are marked *