Asaduddin Owaisi: విదేశీ వస్తువుల నిషేధం ఎలా? మీరే చెప్పండి అమిత్‌ షా జీ..: ఒవైసీ – asaduddin owaisi asks amith shah how to ban foreign products in india


హైదరాబాద్ ఎంపీ, ఎంఐఎం అధినేత అసదుద్దీన్ ఒవైసీ మరోసారి కేంద్ర ప్రభుత్వ తీరుపై విమర్శలు చేశారు. దేశ ప్రజలు విదేశీ వస్తువులను కొనకుండా ఉండేలా నిర్ణయం తీసుకోవాలని కేంద్ర హోంశాఖ మంత్రి అమిత్ షా చేసిన వ్యాఖ్యలు చేసిన సంగతి తెలిసిందే. వీటిని ఓవైసీ తప్పుబట్టారు. ‘‘అమిత్ షా జీ.. విదేశీ వస్తువులను ఎలా బహిష్కరించాలో కాస్త వివరంగా చెబుతారా?’’ అని బుధవారం ట్వీట్ చేశారు.

Also Read: ‘హ్యాపీ బర్త్ డే బావా..’ హరీష్‌రావుకు కల్వకుంట్ల కవిత శుభాకాంక్షలు

వివిధ రంగాల్లో విదేశీ ప్రత్యక్ష పెట్టుబడులకు (ఎఫ్‌డీఐ) అనుమతిస్తున్న మీరే ఈ వ్యాఖ్యలు ఎలా చేస్తున్నారని మండిపడ్డారు. 88 శాతం మొబైల్ ఫోన్ల తయారీలో వాడే పరికరాలు, 70 శాతం ఔషద తయారీకి కావాల్సిన ముడి సరకు, మరో 60 శాతం వైద్య పరికరాల్ని కూడా చైనా నుంచి దిగుమతి చేసుకుంటున్నట్లు గుర్తు చేశారు. ఇలాంటి సమయంలో విదేశీ వస్తువులను ఎలా నిషేదించాలని అమిత్ షాను ఒవైసీ సూటిగా ప్రశ్నించారు.

మరోవైపు, రెండు రోజుల క్రితం తబ్లీగీ జమాత్ సభ్యులపై కూడా ఒవైసీ ప్రశంసలు కురిపించిన సంగతి తెలిసిందే. సుమారు 38 మంది తబ్లీగీ జమాత్ సభ్యులు ప్లాస్మా దానం చేయడానికి సిద్ధంగా ఉన్నారని.. వీరిలో 25 మంది తెలంగాణ వాసులని ఒవైసీ తెలిపారు. అయితే కొంతమంది తబ్లిగీ జమాత్‌ను కరోనా సూపర్ స్ప్రెడర్లుగా.. కరోనా జీహాదీలుగా ఆరోపించడాన్ని ఆయన తప్పుబట్టారు.

Must Read: హైదరాబాద్‌‌లో రోడ్డెక్కనున్న సిటీ బస్సులు! ఎప్పటినుంచంటే..



Source link

Leave a Reply

Your email address will not be published. Required fields are marked *