Atal Pension Yojana: రూ.370తో ప్రతి నెలా చేతికి రూ.5,000.. మోదీ అదిరిపోయే స్కీమ్! – apy account: just rs 376 pm investment can give you rs 5000 pm in hand; here is how to get top pension


ప్రధానాంశాలు:

  • కేంద్ర ప్రభుత్వ స్కీమ్ అదిరింది
  • ప్రతి నెలా రూ.5000 వరకు పెన్షన్
  • 60 ఏళ్లు వచ్చేవరకు ప్రతి నెలా కొంత డబ్బులు కట్టాలి

తక్కువ డబ్బుతోనే ప్రతి నెలా ఆకర్షణీయ మొత్తాన్ని పొందాలని భావిస్తున్నారా? అయితే మీకు ఒక స్కీ్మ్ అందుబాటులో ఉంది. ఇందులో చేరితో తక్కువ డబ్బుతోనే ప్రతి నెలా రూ.5,000 పొందొచ్చు. ఈ స్కీమ్ పేరు అటల్ పెన్షన్ యోజన. కేంద్ర ప్రభుత్వం అందిస్తున్న సామాజిక ఆర్థిక భద్రత స్కీమ్ ఇది. ఇందులో చేరితే పెన్షన్ రూపంలో రూ.1,000 నుంచి రూ.5,000 పొందొచ్చు.

అసంఘటిత రంగంలోని కార్మికులు ఈ పథకంలో చేరడానికి అర్హులు. 18 నుంచి 40 ఏళ్లలో మధ్యలో వయసు కలిగిన వారు స్కీమ్‌లో చేరొచ్చు. తక్కువ వయసులో చేరితే అంటే 18 ఏళ్లకే ఈ స్కీమ్‌లో రిజిస్టర్ చేయించుకుంటే తక్కువ డబ్బులు కడితే సరిపోతుంది. 25 ఏళ్ల వయసులో ఈ స్కీమ్‌లో చేరితే నెలకు రూ.376 చెల్లించాల్సి ఉంటుంది. దీంతో నెలకు రూ.5,000 పెన్షన్ తీసుకోవచ్చు. 60 ఏళ్లు వచ్చిన దగ్గరి నుంచి పెన్షన్ వస్తుంది.

Also Read: ఒకటో తేదీ ఝలక్.. పెరిగిన గ్యాస్ సిలిండర్ ధర.. ఈరోజు నుంచే కొత్త రేట్లు అమలులోకి!

25 ఏళ్ల కన్నా ఇంకా తక్కువ వయసులోనే అటల్ పెన్షన్ యోజన స్కీమ్‌లో చేరితే ప్రతి నెలా ఇంకా తక్కువ మొత్తంలోనే డబ్బులు చెల్లించొచ్చు. రూ.5,000 పెన్షన్ పొందొచ్చు. ఏ వయసులో చేరినా కూడా 60 ఏళ్లు వచ్చే వరకు ప్రతి నెలా డబ్బులు కడుతూ రావాలి. తర్వాత మీకు ప్రతి నెలా రూ.5,000 వరకు వస్తుంది.

స్కీమ్‌లో చేరిన వ్యక్తి ఒకవేళ మరణిస్తే.. అప్పుడు నామినీకి లేదా భాగస్వామికి పెన్షన్ డబ్బులు అందిస్తారు. భాగస్వామి లేకపోతే పిల్లలకు ఆ డబ్బులు అందుతాయి. ఏపీవై స్కీమ్‌లో ఇన్వెస్ట చేసే డబ్బుపై ఆదాయపు పన్ను ప్రయోజనాలు కూడా పొందొచ్చు. సెక్షన్ 80సీ కింద పన్ను మినహాయింపు లభిస్తుంది. అయితే ఒక వ్యక్తి కేవలం ఒక ఏపీవై అకౌంట్‌ను మాత్రమే కలిగి ఉండాలి. ప్రభుత్వ రంగ బ్యాంకులు లేదా పోస్టాఫీస్‌కు వెళ్లి స్కీమ్‌లో చేరొచ్చు.



Source link

Leave a Reply

Your email address will not be published. Required fields are marked *