ATM నుంచి డబ్బులు విత్‌డ్రా చేస్తున్నారా? గుర్తించుకోవాల్సిన 10 అంశాలివే!



బ్యాంకులు రెగ్యులర్‌గా తన కస్టమర్లకు ఎప్పటికప్పుడు సురక్షిత లావాదేవీలకు సంబంధించి టిప్స్‌ అందిస్తూనే ఉంటాయి. డిజిటల్ ట్రాన్సాక్షన్లకు సంబంధించిన మోసాలు మాత్రమే కాకుండా ఏటీఎం ట్రాన్సాక్షన్లకు సంబంధించిన మోసాలు జరుగుతున్నాయి. డెబిట్ కార్డు సాయంతో ఏటీఎం నుంచి డబ్బులు విత్‌డ్రా చేసుకునే వారు కచ్చితంగా కొన్ని విషయాలు గుర్తు పెట్టుకోవాలి. అవేంటో చూద్దాం..

1. బ్యాంక్ నుంచి మీకు ఏటీఎం కార్డు వచ్చిన వెంటనే చేయాల్సిన పని ఒకటి ఉంది. అదే కార్డు వెనుక భాగంలో మీ సంతకం చేసుకోవాలి.

2. ఏటీఎం కార్డు పిన్ నెంబర్‌ను మార్చుకుంటూ ఉండాలి. డెబిట్ కార్డుతో పాటు పిన్ నెంబర్‌ను ఎప్పటికీ ఉంచకూడదు. లేదంటే కార్డుపైనే పిన్ నెంబర్ రాయవద్దు.

Also Read:

3. ఏటీఎం కార్డు వివరాలు, పిన్ నెంబర్ వంటివి ఎవ్వరికీ చెప్పకూడదు. బ్యాంకులు కూడా వీటికి సంబంధించిన వివరాలను కస్టమర్ల నుంచి తీసుకోవు. బ్యాంక్ నుంచి కాల్ చేస్తున్నాం.. మీ కార్డు పిన్ నెంబర్ చెప్పమంటే.. అతను కచ్చితంగా మోసగాడని గుర్తించాలి.

4. ఏటీఎం నుంచి డబ్బులు విత్‌డ్రా చేసుకునేటప్పుడు.. రూమ్‌లో మరెవ్వరూ లేకుండా చూసుకోండి. మీ వెనుక భాగంలో లేదంటే మీకు సైడ్‌ను ఎవ్వరూ లేకుండా ఉన్నప్పుడు డబ్బులు విత్‌డ్రా చేయండి.

Also Read:

5. ఏటీఎం మెషీన్‌లో డెబిట్ కార్డు ఉంచి తర్వాత పిన్ ఎంటర్ చేసేటప్పుడు మీ చేతికి అడ్డు పెట్టుకోండి. దీంతో మరెవ్వరికీ ఈ పిన్ గురించి తెలియదు.

6. డబ్బులు తీసుకున్న తర్వాత ట్రాన్సాక్షన్ స్లిప్‌ను ఏటీఎం రూమ్‌లో పడేయవద్దు. ఇందులో మీ అకౌంట్‌కు సంబంధించిన వివరాలు ఉంటాయి.

7. ఏటీఎం నుంచి డబ్బులు తీసుకున్న తర్వాత.. మెషీన్ మళ్లీ మొదటికి వచ్చేవరకు ఆగండి. అంటే ట్రాన్సాక్షన్ పూర్తయ్యి మళ్లీ ఏటీఎం విండో మొదటికి వచ్చే వరకు వేచి ఉండండి.

8. మీరు ఏదైనా షాప్‌కు, మాల్, రెస్టారెంట్‌కు వెళ్లినప్పుడు మీ కార్డును మీ ముందే స్వైప్ చేయమని కోరండి.

9. మీ ఏటీఎం కార్డు ఎక్కడైనా పోతే.. లేదంటే ఎవరైనా దొంగలిస్తే.. వెంటనే బ్యాంక్‌కు కాల్ చేసి దాన్ని బ్లాక్ చేసుకోండి.

10. అలాగే ఏటీఎం నుంచి డబ్బులు రాకపోతే.. మీ అకౌంట్ నుంచి డబ్బు కట్ అయితే.. అప్పుడు బ్యాంక్‌కు ఫిర్యాదు చేయండి.



Source link

Leave a Reply

Your email address will not be published. Required fields are marked *