attack on kanpur police: వీడియో: మంచి పనికి వెళ్లిన పోలీసులపై భీకర దాడి.. రాళ్లు రువ్విన ఆకతాయిలు – attack on police in up’s kanpur, video goes viral


ప్రజలు కరోనా కంటే ప్రమాదకరంగా మారుతున్నారు. మంచి పనికి వెళ్తున్న పోలీసులను, వైద్యులను సైతం లెక్క చేయకుండా దాడులకు తెగబడుతున్నారు. ముఖ్యంగా ఉత్తరప్రదేశ్, బీహార్ రాష్ట్రాల్లో ఎక్కువగా ఇలాంటి ఆటవిక ఘటనలు చోటుచేసుకుంటున్నాయి. తాజాగా ఉత్తరప్రదేశ్‌లోని కాన్పూర్‌లో చోటుచేసుకున్న ఈ ఘటనను చూస్తే తప్పకుండా వణికిపోతారు.

స్థానిక నాలా రోడ్డులోని బంజారా ప్రాంతంలో ఓ వ్యక్తికి కరోనా వైరస్ సోకింది. ప్రస్తుతం అతడికి హాస్పిటల్‌లో వైద్యం అందిస్తున్నారు. అయితే, అతడు తన బంధువుల్లోని 9 మందితో సన్నిహితంగా మెలిగానని చెప్పడంతో పోలీసులు, ఆరోగ్య సిబ్బంది.. వారిని హాస్పిటల్‌కు తీసుకెళ్లేందుకు వెళ్లారు. దీన్ని అవమానంగా భావించిన ఓ వర్గం.. పోలీసులపై విరుచుకుపడ్డారు. స్థానికులతో కలిసి వందలాది మంది రోడ్లపైకి వచ్చారు. కేకలు పెడుతూ.. రాళ్లు రువ్వుతూ పోలీసులపై దాడికి పాల్పడ్డారు.

Also Read: ఈ కోతులను చూసైనా నేర్చుకోవాలి.. భౌతిక దూరాన్ని ఎంత చక్కగా పాటిస్తున్నాయో!

పోలీసులు పరుగులు పెడుతూ తమ ప్రాణాలను కాపాడుకున్నారు. ఆ ప్రాంతం ఒక్క క్షణం మారుభూమిని తలపించింది. ఆకతాయిల అరుపులకు పశువులు కూడా భయపడి పరుగులు పెట్టాయి. పెద్ద సంఖ్యలో రోడ్డుపైకి చేరుకుని రాళ్లు విసురుతూ తరిమేశారు. ఈ ఘటనపై యూపీ ముఖ్యమంత్రి ఆదిత్యానాథ్ ఆగ్రహం వ్యక్తం చేశారు. దాడికి పాల్పడిన వ్యక్తులపై జాతీయ భద్రతా చట్టం కింద కేసులు పెట్టాలని ఆదేశించారు. పోలీసుల ఇప్పటివరకు 10 మందిని అరెస్టు చేశారు. నిందితులకు ఏడేళ్లు జైలు శిక్ష పడే అవకాశాలున్నాయి. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.

వీడియో:



Source link

Leave a Reply

Your email address will not be published. Required fields are marked *