australia pm samosas: ScoMosa: మోదీకి ఆస్ట్రేలియా ప్రధాని ‘హాట్’ గిఫ్ట్ – australia pm scott morrison makes samosas, ahead of videolink meet with pm modi on june 4


స్ట్రేలియా ప్రధాని స్కాట్‌ మారిసన్‌.. కుక్ అవతారమెత్తారు. అది కూడా భారత ప్రధాని నరేంద్ర మోదీ కోసం కావడం గమనార్హం. భారతీయులకు అత్యంత ప్రీతిపాత్రమైన సమోసాలను తయారు చేశాడు. ఆ సమోసాలను నంజుకోవడానికి మామిడి చట్నీని కూడా రూపొందించడం విశేషం. ‘సండే స్కోమోసా విత్‌ మ్యాంగో చట్నీ’ అంటూ ఆయన ఆదివారం (మే 31) ట్విటర్‌ ద్వారా ఆ ఫోటోలను షేర్‌ చేశారు. భారత ప్రధాని మోదీని ట్యాగ్‌ చేశారు.

ఈ సమోసాలకు ఆస్ట్రేలియా ప్రధాని పెట్టిన పేరు కూడా ఆసక్తికరంగా ఉంది. తన పేరు (Scott Morrison)లోని ‘Sco’, నరేంద్ర మోదీ పేరులోని ‘Mo’ అక్షరాలను కలిపి ఆయన ‘ScoMosas’ అని పేర్కొన్నారు. ‘చట్నీతో పాటు ఈ స్కోమోసాలన్నీ పూర్తిగా తయారు చేసినవే. ఈ వారం భారత ప్రధాని నరేంద్ర మోదీతో వీడియో కాన్ఫరెన్స్ ద్వారా మాట్లాడాల్సి ఉంది. ఆ సమయంలో శాఖహార వంటకమైన వీటి గురించి భారత ప్రధానితో పంచుకోవాలని ఉంది’ అని స్కాట్‌ మారిసన్‌ పేర్కొన్నారు.

ఆస్ట్రేలియా ప్రధాని ట్వీట్‌కు ప్రధాని మోదీ కూడా ఆసక్తికరంగా బదులిచ్చారు. ‘హిందూ మహాసముద్రం (ఇండియన్ ఓసియన్)తో కన్నెక్ట్ అయి ఉన్నాం.. ఇండియన్ సమోసాతో ఏకమయ్యాం’ అంటూ మోదీ ట్వీట్ చేశారు. ‘మీ వంటకం చూడటానికి రుచికరంగా ఉంది. కొవిడ్‌-19 మహమ్మారిపై విజయం సాధించిన తర్వాత ఇరువురం కలిసి సమోసాలను ఆస్వాదిద్దాం. జూన్‌ 4వ తేదీన జరిగే వీడియో సమావేశానికై వేచి చూస్తున్నా’ అని మోదీ ట్వీట్ చేశారు.

ఆస్ట్రేలియాలోనూ కరోనా వైరస్ ప్రభావం తీవ్రంగా ఉంది. ఇలాంటి క్లిష్ట తరుణంలో ఇరుదేశాల ఆర్థిక, వ్యూహాత్మక చర్చల్లో భాగంగా భారత్, ఆసీస్ ప్రధానులు తొలిసారిగా వీడియో కాన్ఫరెన్స్ ద్వారా సమావేశం కానున్నారు. వాస్తవానికి ఆస్ట్రేలియా ప్రధాని స్కాట్‌ మారిసన్‌ ఈ ఏడాది జనవరిలోనే భారత పర్యటనకు రావాల్సి ఉంది. కానీ, ఆస్ట్రేలియాలో ఏర్పడ్డ భారీ కార్చిచ్చు ప్రభావంతో అది మే నెలకు వాయిదా పడింది. తాజాగా కరోనా వైరస్‌ ప్రభావంతో ఈ సమావేశం వీడియో కాన్ఫరెన్స్‌‌కు పరిమితమైంది.

Also Read:నా లేడీలవ్ ప్రెగ్నెంట్.. హార్దిక్‌ పాండ్య షాకింగ్ పోస్టు

Must Read:పాక్ పావురం గుట్టు రట్టు.. విడుదల చేసిన భారత్



Source link

Leave a Reply

Your email address will not be published. Required fields are marked *