Austrian Princess Death: భారత చెఫ్‌ను ప్రేమపెళ్లి చేసుకున్న ఆ యువరాణి మృతి – austrian princess maria galitzine, married to indian-origin chef, dies at 31 with cardiac arrest


భార‌త సంత‌తికి చెందిన చెఫ్‌ను ప్రేమ వివాహం చేసుకున్న ఆస్ట్రియా యువ‌రాణి మరియా గాలిట్జీన్ (31) ఆకస్మికంగా మృతి చెందారు. ఆమె మరణవార్త కూడా చాలా ఆలస్యంగా వెలుగులోకి వచ్చింది. మే 4న హ్యూస్టన్‌ నగరంలోని తన నివాసంలో ఆమె గుండెపోటుతో కుప్పకూలి మరణించినట్లు తెలుస్తోంది. స్థానిక పత్రికల్లో వచ్చిన సంతాప వార్త ద్వారా ఈ విషయం ప్రపంచానికి తెలిసింది. ప్రిన్సెస్ మరియా గాలిట్జీన్ 2017లో హ్యూస్టన్‌లో భారతీయ చెఫ్ రిషి రూప్ సింగ్‌ను ప్రేమ వివాహం చేసుకున్నారు.

ప్రిన్స్ పీటర్ గాలిట్జీన్, ప్రిన్సెస్ మరియా అన్నా గారాలపట్టీ అయిన యువరాణి మరియా.. హ్యూస్టన్‌లో ఇంటీరియర్ డిజైనర్‌గా పనిచేసేవారు. అక్కడే చెఫ్‌గా పనిచేస్తున్న రిషి రూప్ సింగ్‌తో ఏర్పడిన పరిచయం కాస్త ప్రేమగా మారి 2017లో వివాహం చేసుకున్నారు. మరియా గాలిట్జీన్, రూప్ సింగ్ దంపతులకు రెండేళ్ల కుమారుడు ఉన్నాడు.

Also Read:ఆ సాధువును దారుణంగా కొట్టి చంపారా.. ఏం జరిగింది?

యువరాణి మరియా కొంత కాలంగా తన ఫేస్‌బుక్ పేజీని తన కుమారుడు ‘మాక్సిమ్’కు సంబంధించిన ఫోటోలతో నింపేశారు. తన కుమారుడు తనకు ఆపిల్ పండులా కనిపిస్తున్నాడని ఆమె పోస్టు చేశారు. మ‌రియా గాలిడ్జీన్ చిన్న వయసులోనే ఈ లోకాన్ని విడిచి వెళ్లడంతో రాజ కుటుంబలో విషాదం నెలకొంది.

samayam telugu

ప్రిన్సెస్ మరియా

ఆస్ట్రియా ప్రిన్సెస్ మరియా అన్నా, ప్రిన్స్ పీటర్ గాలిట్జీన్‌ దంపతులకు 1988లో ల‌గ్జంబ‌ర్గ్‌లో మరియా గాలిట్జీన్ జ‌న్మించారు. ఆస్ట్రియాకు చెందిన ఆర్చుడ్యూక్ రుడాల్ఫ్.. మరియా తాత (తల్లి తండ్రి) కావడం గమనార్హం. మ‌రియాకు ముగ్గురు సోద‌రీమ‌ణులు, ఒక సోద‌రుడు ఉన్నారు. యువరాణి మరియాకు ఐదేళ్ల వయసు ఉన్నప్పుడే వారి కుటుంబం ర‌ష్యాకు మ‌కాం మార్చింది. అక్కడ గ్యాడ్యుయేష‌న్ పూర్తిచేసుకున్న మ‌రియా.. ఆర్ట్ అండ్ డిజైన్ కాలేజీలో చేరేందుకు బెల్జియంకు వెళ్లారు. ఆ తర్వాత బ్రస్సెల్స్, చికాగో, ఇల్లినాయిస్‌ తదితర నగరాల్లో ఇంటీరియర్ డిజైనర్‌గా పనిచేశారు. చివరికి హ్యూస్టన్‌లో స్థిరపడ్డారు.

Also Read:భారత్‌కు ప్రపంచ బ్యాంకు మరోసారి భారీ సాయం



Source link

Leave a Reply

Your email address will not be published. Required fields are marked *